قوستاناي وبلىسىندا كارانتين شارالارعى 7 جەلتوقسانعا دەيٸن ۇزارتىلدى, دەپ حابارلايدى "ۇلت اقپارات".
ەستەرٸڭٸزگە سالا كەتەيٸك, 16 قاراشادان باستاپ قوستاناي وبلىسىندا قاتاڭ كارانتين شارالارى ەنگٸزٸلگەن بولاتىن.
وبلىستىق جەدەل شتابتىڭ شەشٸمٸمەن جابىق سپورت وبەكتٸلەرٸنٸڭ جۇمىسىنا تىيىم سالىندى. سونىمەن قاتار قوعامدىق تاماقتانۋ ورىندارىنا شەكتەۋ ەنگٸزٸلدٸ, اتاپ ايتقاندا, 1 ٷستەلگە 4 ادامنان ارتىق وتىرمايدى, ٷستەلدەر اراسىنداعى قاشىقتىق 2 مەتردەن كەم بولماۋى تيٸس, ال تاعامدى جەتكٸزۋ قىزمەتٸنە ساعات 22:00-گە دەيٸن رۇقسات ەتٸلدٸ.
باسسەيندەردٸڭ جۇمىسىنا تىيىم سالىنىپ, مونشا مەن ساۋنا 09-19.00 اراسىندا عانا ٸستەيدٸ. ساناتوريي مەن دەمالىس بازالارىنىڭ جۇمىسى توقتاتىلعان.
دەمالىس جەنە مەرەكە كٷندەرٸ اۆتوموبيلدەر مەن اۋىل شارۋاشىلىعى تەحنيكاسىنا ارنالعان قوسالقى بٶلشەك ساتاتىن دٷكەندەر ٸستەمەيدٸ.
مەديتسينالىق-ەلەۋمەتتٸك سالا وبەكتٸلەرٸنٸڭ جۇمىسى كارانتين رەجيمٸنە كٶشٸرٸلدٸ.
بالالار سەكتسيياسى, ٷيٸرمەلەردٸڭ قىزمەتٸنە تىيىم سالىنىپ, پروفيلاكتيكالىق ەگۋدٸ قوسپاعاندا, مەديتسينا-سانيتارييا العاشقى كٶمەك كٶرسەتۋ ۇيىمدارىندا جوسپارلى سكرينينگ پەن پروفيلاكتيكالىق تەكسەرۋ جاساۋدى توقتاتا تۇرۋ جٶنٸندە شەشٸم قابىلدانعان.
قوستاناي جەنە رۋدنىي قالالارىنا كٸرٸپ-شىعۋعا تىيىم سالىنعان.
بٷگٸن قوستاناي وبلىسىنىڭ باس سانيتار دەرٸگەرٸ ۆلاديمير نەچيتايلو جاڭا قاۋلى شىعاردى.
وعان سەيكەس, اتالعان شەكتەۋ شارالارى 7 جەلتوقسان ساعات 00:00 دەيٸن سوزىلدى.
قاۋلىنىڭ تولىق مەتٸنٸمەن مىنا سٸلتەمەدە تانىسۋعا بولادى.
