Oblys ákimi Arhimed Muhambetov KVI-diń taralýyna jol bermeý boiynsha jedel shtabtyń kezekti otyrysyn ótkizdi, dep habarlaidy oblys ákiminiń baspasóz qyzmeti.
Shtab otyrysynda Qostanai jáne Rýdnyi qalalarynyń ákimderi indettiń taralýy boiynsha qazirgi ahýaldy baiandady. Sondai-aq monitoring toptarynyń jumysy talqylandy.
«Monitoring toptary 2021 jylǵy 1-23 qańtar aralyǵynda 1330 reid ótkizip, 113 zańbuzýshylyq tirkeldi. Ókinishke qarai óńirde tek sońǵy kúnderi indettiń taralýy órshidi. Aýyrǵandar sany - 2,6 ese, táýligine 67-den 177 adamǵa deiin ósti. Syrqattanýdyń úlken ósimin eskere otyryp, qoldanystaǵy shekteý sharalarynan basqa, qosymsha shekteýler engiziledi» delingen oblys ákiminiń baspasóz qyzmeti taratqan habarlamada.
Sonymen óńirlik jedel shtab bilim salasyna qatysty shekteý sharalaryn engizdi.
Oblys mektepteri ekinshi toqsanǵa uqsas oqytý formatyna kóshiriledi.
Al 5-9 jáne 11 synyp oqýshylary qashyqtan bilim alady.
Arhimed Muhambetovtiń aitýynsha, aqpan aiynda koronavirýsqa qarsy vaktsinalaý bastalady.
Qazir reseilik vaktsinany qabyldaý boiynsha daiyndyq jumystary belsendi júrgizilýde.
«Tájiribe kórsetkendei, vaktsinatsiia virýstyq infektsiialardyń aldyn alý jáne baqylaýdyń eń tiimdi ádisi bolyp otyr. Oblys turǵyndaryn epidemiologiialyq jaǵdaidyń kúrdelenýine jáne koronavirýstyq infektsiianyń ósýine bailanysty saqtyq sharalaryn kúsheitýge shaqyramyn. KVI taralýyna jol bermeý boiynsha barlyq erejeler men engizilgen shekteýlerdi saqtaýdy suraimyn», - dedi aimaq ákimi.
