«Qyzyl» aimaqtaǵy Atyraý oblysynda taǵy 92 adam koronavirýs juqtyrdy, dep habarlaidy "Ult aqparat".
Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, ótken táýlikte koronavirýs juqtyrǵan naýqastardyń arasynda Atyraý qalasynan 24 adam bar.
Teńiz kenishinde - 57 jumysshydan, Qurmanǵazy aýdanynda - 11 adamnan Sovid-19 anyqtalǵan. Onyń ishinde 14 naýqasta qaýipti virýstyń simptomdary tabylǵan.
«Ótken táýlikte 134 adam qaýipti indetten jazylyp shyqty. Qazir 240 adam úi jaǵdaiynda emdelýde. Oblystyq infektsiialyq statsionarda 98, al aýdandardaǵy statsionarlarda 27, Teńiz kenishindegi statsionarda 803 adam em qabyldap jatyr» -dep habarlady basqarmanyń baspasóz qyzmetinen.
