QR Premer-Ministri Asqar Mamin el aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysyn ótkizdi. Bul týraly primeminister.kz saity habarlady.
Jiynda QR Prezidenti Qasym-Jomart Toqaevtyń biylǵy 16 qarasha kúni ótken VAK otyrysynda bergen tapsyrmalarynyń oryndalý barysy qaraldy.
Sanitarlyq-epidemiologiialyq jaǵdai jáne qabyldanyp jatqan sharalar týraly Densaýlyq saqtaý ministri Aleksei Tsoi, dárilik zattardyń baǵa saiasatyna monitoring júrgizý jónindegi jumys týraly Básekelestikti qorǵaý jáne damytý agenttiginiń tóraǵasy Serik Jumanǵarin, otandyq jeke qorǵanysh quraldaryn óndirýshilerdi shikizatpen qamtamasyz etý týraly Indýstriia jáne infraqurylymdyq damý vitse-ministri Amaniiaz Erjanov, IIM statsionarlary men áskeri gospitaldarynyń daiyndyǵy týraly Qorǵanys ministri Nurlan Ermekbaev jáne Ishki ister ministri Erlan Turǵymbaev, bilim berý sapasyn baqylaýdy kúsheitý týraly Bilim ministri Ashat Aimaǵambetov, óńirlerdegi ahýal týraly Nur-Sultan qalasynyń ákimi Altai Kólginov, Pavlodar oblysynyń ákimi Ábilqaiyr Sqaqov, Soltústik Qazaqstan oblysynyń ákimi Qumar Aqsaqalov, Qostanai oblysynyń ákimi Arhimed Muhambetov baiandady.
Koronavirýspen syrqattanýshylyqtyń ósýi Qazaqstannyń barlyq óńirlerinde derlik tirkeldi. Virýstyń reprodýktivtilik kórsetkishi respýblika boiynsha 1,07 quraidy. Infektsiialyq tósek-oryndardyń tolyǵýy – 22%, reanimatsiialyq tósek-oryndardyń tolyǵýy – 17%.
«Qyzyl aimaqta» 5 óńir qalyp otyr: Shyǵys Qazaqstan, Pavlodar, Qostanai, Soltústik Qazaqstan, Aqmola oblystary. «Sary aimaqta» 2 óńir bar: Batys Qazaqstan oblysy jáne Nur-Sultan qalasy.
Úkimet basshysy densaýlyq saqtaý, indýstriia ministrlikterine ákimdiktermen birlesip, meditsinalyq jabdyqtardy jetkizýdi aiaqtaýdy jáne infektsiialyq statsionarlardyń reanimatsiialyq bólimshelerin tolyq jabdyqtaýdy qamtamasyz etýdi tapsyrdy.
Premer-Ministr epidemiologiialyq ahýaldyń nasharlaýy múmkin jaǵdaida vedomstvolyq aýrýhanalar men gospitaldardyń 100% daiyndyǵyn qamtamasyz etýdi tapsyrdy.
Ishki ister, eńbek, bilim, qorǵanys ministrlikterine ákimdiktermen birlesip, uiymdastyrylǵan ujymdarda profilaktikalyq jáne epidemiiaǵa qarsy is-sharalardyń saqtalýyna baqylaýdy kúsheitý tapsyryldy.
Densaýlyq saqtaý ministrligine, ákimdikterge koronavirýs infektsiiasyna jasalǵan zerthanalyq zertteýlerdiń durystyǵyn (qaita testileýdi) qamtamasyz etý boiynsha sharalar qabyldaý tapsyryldy. Bul rette zertteýlerdiń ashyqtyǵyn qamtamasyz etý maqsatynda osy jylǵy 1 jeltoqsanǵa deiin zerthanalardy biryńǵai aqparattyq júiemen integratsiialaý jumysy aiaqtalady.
Densaýlyq saqtaý ministrligine bir apta merzimde dári-dármektiń shekti qunyn tómendetý maqsatynda koronavirýsqa qarsy preparattardyń baǵasyn retteý tártibin ózgertý tapsyryldy. Básekelestikti qorǵaý jáne damytý agenttigine QR-daǵy koronavirýsqa qarsy preparattar qunynyń joǵarylaýyna jol bermeý maqsatynda sheteldik farmatsevtikalyq naryqtardaǵy baǵa koniýnktýrasyna taldaý júrgizý tapsyryldy.
