Foto: Polisia.kz
Áleýmettik jelilerge monitoring jasaý barysynda politsiia qyzmetkerleri jastardyń qyzmettik kólikke túkirip, ony 19 naýryz kúni TikTok-qa jariialaǵanyn anyqtady, dep habarlaidy Ult.kz.
Quqyq buzýshylar 19 jastaǵy qyz ben kámeletke tolmaǵan jasóspirim tez arada tabylyp, politsiiaǵa jetkizildi. Olar usaq buzaqylyq jasaǵany úshin ákimshilik jaýapkershilikke tartyldy.
Sonymen qatar, jasóspirimniń zańdy ókiline qatysty da sharalar qabyldandy.
"Atap aitqanda, jasóspirimniń túngi ýaqytta zańdy ókilderiniń erip júrýinsiz turǵyn jaidan tys jerde bolǵany úshin hattama resimdeldi. Is boiynsha qujattar mamandandyrylǵan ákimshilik sotqa joldandy, al bilim basqarmasyna tiisti usynys daiyndalyp, beriletin bolady", - delingen habarlamada.
Iývenaldy politsiia mundai oqiǵalardyń aldyn alý úshin profilaktikalyq jumystar júrgizýdi jalǵastyrýda.
