«Jeltoqsan kóterilisi kezinde men Máskeýde turatynmyn. Kóterilistiń bolǵanyn sol jaqtan estidim. Elge kelgen soń, kóp jaǵdaiǵa qanyq boldym, – deidi Talǵat Temenov. – Jeltoqsan shyndyǵynyń aitylmai jatqanyn kórdim. Qazaq jastarynyń bul erliginen shet memleketter habarsyz eken. Jeltoqsanda qazaq jastary eshkimnen jasqanbai alańǵa shyqty emes pe? Endeshe, buǵan nege qýanbaýym, maqtanbaýym kerek? Qazaq jastarynyń erligin nege basqalarǵa kórsetpeske? Osyndai oimen osy filmdi túsirdim».
"Bul filmniń stsenariiin máskeýlik dramatýrg, qalmaq jigiti Oleg Manjievpen birlesip jazdym. Sol kezde Olegtiń qazaqtarǵa degen qurmetin baiqadym. «Sender erjúrek halyq ekensińder» dep qyzyǵyp otyrdy. Jazylǵan stsenarii boiynsha kinony túsirdik. Alaida, filmdi Máskeýge ushaq arqyly jóneltkeli jatqanda plenkalar tielgen «Rafik» mashinasy órtenip ketti. Sóitip, «Qyzǵysh qusty» túsirgen negativterdiń barlyǵynan aiyrylyp qaldyq. Jeltoqsanǵa qatysty kóptegen derekti kadrlar da órtke orandy. Filmde Gúlnar Dosmatova, Raiymbek Seitmetov, Janar Chaikina, Áshir Shoqybaevtar oinady. Al filmniń mýzykasyn belgili kompozitor Tólegen Muhamedjanov qoidy", deidi filmniń rejisseri Talǵat Temenov.
.jpg)
