Ishki ister ministrligi respýblika aýmaǵynda 11 adamnan quralǵan qylmystyq toptyń jolyn kesti. Olar "Kyzdar.Net" internet-saity arqyly jezókshelikke jarnama jasap, onlain jeńgetailyqpen ainalysqan jáne kún saiyn 2 million teńgege deiin paida túsirip otyrǵan, - dep habarlaidy "Ult aqparat" Polisia.kz saityna silteme jasap.
Qylmystyq topqa qatysýshylardyń jalpy aqsha ainalymy 8 milliard teńgeni quraidy (ortasha alǵanda jylyna 2 milliard teńgeden asady).
Saitqa jynystyq sipattaǵy 6 myńǵa jýyq habarlandyrý salynǵan. Saýalnamalar boiynsha qabyldanǵan sharalar nátijesinde 150 adam anyqtalyp, olardan jaýap alynǵan, olar saittyń top-menedjerlerine júieli túrde aqsha aýdaryp otyrǵandaryn rastady.
"Saraptama negizinde saittaǵy materialdar pornografiialyq sipattaǵy aqpartqa jatatyny anyqtaldy, sondai-aq aqyly jynystyq qyzmetterdi izdep, paidalanýǵa arnalǵan.
Astana, Almaty, Pavlodar qalalarynda júrgizilgen tintý sharalarynyń nátijesi boiynsha 23 million teńgeden asa aqsha, onyń ishinde kriptovaliýta, avtomashinalar, kompiýterler, uialy telefondar jáne basqa da tsifrlyq tasymaldaǵyshtar tárkilenip alyndy", - delingen habarlamada.
Sot kompiýterlik-tehnikalyq saraptama taǵaiyndalǵan. Derek boiynsha Qylmystyq kodekstiń "Jezókshelikpen ainalysý úshin priton uiymdastyrý nemese ustaý jáne jeńgetailyq" degen 309-baby boiynsha sotaldy tergeý júrgizilip jatyr.
Qazirgi ýaqytta múddeli memlekettik organdarmen birlesip, paidalanýshylardyń veb-saitqa qoljetimdiligin buǵattaý boiynsha sharalar qabyldanyp jatyr. Qazirgi ýaqytta sotaldy tergep-tekserý jalǵasýda.
