ٸشكٸ ٸستەر مينيسترلٸگٸ رەسپۋبليكا اۋماعىندا 11 ادامنان قۇرالعان قىلمىستىق توپتىڭ جولىن كەستٸ. ولار "Kyzdar.Net" ينتەرنەت-سايتى ارقىلى جەزٶكشەلٸككە جارناما جاساپ, ونلاين جەڭگەتايلىقپەن اينالىسقان جەنە كٷن سايىن 2 ميلليون تەڭگەگە دەيٸن پايدا تٷسٸرٸپ وتىرعان, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
قىلمىستىق توپقا قاتىسۋشىلاردىڭ جالپى اقشا اينالىمى 8 ميلليارد تەڭگەنٸ قۇرايدى (ورتاشا العاندا جىلىنا 2 ميلليارد تەڭگەدەن اسادى).
سايتقا جىنىستىق سيپاتتاعى 6 مىڭعا جۋىق حابارلاندىرۋ سالىنعان. ساۋالنامالار بويىنشا قابىلدانعان شارالار نەتيجەسٸندە 150 ادام انىقتالىپ, ولاردان جاۋاپ الىنعان, ولار سايتتىڭ توپ-مەنەدجەرلەرٸنە جٷيەلٸ تٷردە اقشا اۋدارىپ وتىرعاندارىن راستادى.
"ساراپتاما نەگٸزٸندە سايتتاعى ماتەريالدار پورنوگرافييالىق سيپاتتاعى اقپارتقا جاتاتىنى انىقتالدى, سونداي-اق اقىلى جىنىستىق قىزمەتتەردٸ ٸزدەپ, پايدالانۋعا ارنالعان.
استانا, الماتى, پاۆلودار قالالارىندا جٷرگٸزٸلگەن تٸنتۋ شارالارىنىڭ نەتيجەسٸ بويىنشا 23 ميلليون تەڭگەدەن اسا اقشا, ونىڭ ٸشٸندە كريپتوۆاليۋتا, اۆتوماشينالار, كومپيۋتەرلەر, ۇيالى تەلەفوندار جەنە باسقا دا تسيفرلىق تاسىمالداعىشتار تەركٸلەنٸپ الىندى", - دەلٸنگەن حابارلامادا.
سوت كومپيۋتەرلٸك-تەحنيكالىق ساراپتاما تاعايىندالعان. دەرەك بويىنشا قىلمىستىق كودەكستٸڭ "جەزٶكشەلٸكپەن اينالىسۋ ٷشٸن پريتون ۇيىمداستىرۋ نەمەسە ۇستاۋ جەنە جەڭگەتايلىق" دەگەن 309-بابى بويىنشا سوتالدى تەرگەۋ جٷرگٸزٸلٸپ جاتىر.
قازٸرگٸ ۋاقىتتا مٷددەلٸ مەملەكەتتٸك ورگاندارمەن بٸرلەسٸپ, پايدالانۋشىلاردىڭ ۆەب-سايتقا قولجەتٸمدٸلٸگٸن بۇعاتتاۋ بويىنشا شارالار قابىلدانىپ جاتىر. قازٸرگٸ ۋاقىتتا سوتالدى تەرگەپ-تەكسەرۋ جالعاسۋدا.
