Qyrǵyzstanda seriialy maniak isi tergelip jatyr. 41 jastaǵy Qumarbek Abdyrov 17 jastaǵy Aisýlýý Muqashevany qatygezdikpen óltirdi degen kúdikpen ustalǵan. Ol keiin sońǵy 15 jyl ishinde jasaǵan basqa da qylmystaryn moiyndaǵan, dep habarlaidy Ult.kz 24.kg agenttigine silteme jasap.
ElTR telearnasy 15 qyrkúiekte Qyrǵyzstan IIM qyzmetkerleri júrgizip jatqan tergeý jaily arnaiy reportaj jariialaǵan.
Tergeý derekterine súiensek, Qumarbek alǵashqy qylmysyn 2006 jyly «Kók-Jar» turǵyn aýdanynda jasaǵan. Ol kezde 22 jastaǵy stýdent qyzdy anasymen birge kele jatqan jerinen temir zatpen (gazetke oralǵan) uryp, telefonyn tartyp alyp, qashyp ketken. Keiin ustalǵanymen, jábirlenýshilerden keshirim surap, 5 myń som ótemaqy tólegen soń bosatylǵan.
2011 jylǵy 14 naýryzda Sokýlýk aýdanynyń politsiiasyna Kún-Týý aýylyna baratyn jol boiyndaǵy egistikten jas áieldiń denesi tabylǵany týraly habar túsken. Tergeý barysynda ol Bishkek turǵyny ekeni, 12 aqpan kúni úiinen shyǵyp ketip, qaita oralmaǵany anyqtalǵan. 1989 jyly týǵan A.J.J. aldymen zorlanyp, keiin óltirilgen. Áiel segiz ailyq júkti bolǵan.
2014 jyldyń 10 naýryzynda 19 jastaǵy Kamila Dýishebaeva joǵalyp ketken. Alty kúnnen keiin onyń máiiti Alamúdún aýdanyndaǵy jol jieginen tabyldy. Ol óz sharfymen býyndyrylǵan.
Bul oqiǵa el arasynda úlken rezonans týǵyzǵan edi. Sol kezde militsiia kúdikti retinde burynǵy bas prokýror Aida Salianovanyń týysy Qalybek Salianovtyń atyn ataǵan. Sebebi, jábirlenýshi sońǵy ret dál soǵan qońyraý shalǵan. Keiinnen anyqtalǵandai, ol kúni Qalybek Salianov dosymen jáne eki qyzben saýnada bolǵan, biraq keiin beinebaqylaý jazbalary joiylǵan. Politsiianyń aitýynsha, dál osy derekterdiń joiylýy Kamilany óltirý isin ashýǵa kedergi bolǵan. Qazir shynaiy qylmysker tabyldy — ol Qumarbek Abdyrov bolyp shyqqan.
2014 jyldyń 13 naýryzynda túngi saǵat 23:37-de Bishkektegi Razzaqov kóshesindegi turǵyn aýdannan taǵy bir jas qyzdyń máiiti tabylǵan. Tergeý toby onyń basyna paket kigizilip, qoldary bailanyp tastalǵanyn anyqtady. Saraptama nátijesinde 22 jastaǵy M.S.N. zorlanyp, keiin býyndyrylyp óltirilgeni belgili boldy. Ol kezde qylmysker tabylmaǵan. Qazir tergeý barysynda onyń da qylmysy Qumarbekke tiesili ekeni anyqtaldy.
2015 jylǵy 13 qazanda Qumarbek taǵy bir qyzdy óltirmek bolǵan, biraq bul joly jábirlenýshi tiri qalǵan.
Qyzdyń sózine qaraǵanda:
«Ol meni aryqqa súirep tastady. 15–20 sekýndtan keiin úlken tas laqtyrdy — basyma tigizbek boldy, biraq qolyma tidi. Sosyn qarap turdy da ketip qaldy. Men qozǵala almadym, qorqyp jattym, qaita oralady dep oiladym. Biraz ýaqyttan keiin aryqtan shyǵyp, jolǵa shyqtym, qarsy bettegi janarmai quiý beketin kórip, sonda qarai júgirdim. Maǵan kómektesip, aýrýhanaǵa jetkizdi».
Keiin ol politsiiaǵa aryz jazǵan. Qumarbek adam óltirýge oqtaldy degen aiyppen ustalyp, 2016 jyly aýdandyq sot ony 12 jylǵa bas bostandyǵynan aiyrǵan. Biraq keiin jaza merzimi 7 jylǵa qysqaryp, 2018 jyly shartty túrde merziminen buryn bosatylǵan.
2024 jyldyń 27 qyrkúieginde saǵat 20:30 shamasynda Ystyqkól oblysynda 2008 jyly týǵan qyzdyń joǵalǵany týraly habar túsken. Ol saǵat 12:30 shamasynda úiinen qurbysyna baramyn dep shyqqan, biraq qaityp oralmaǵan. Keiin belgili bolǵandai, sol sátte-aq ol óltirilgen. Tergeý deregi boiynsha, qyz eki ret zorlanǵannan keiin qaza tapqan.
Beinebaqylaý kameralary ony Honda Stream avtokóligine minip otyrǵan sátin tirkegen. Osy jazba arqyly kóliktiń iesi ári júrgizýshisi Qumarbek Abdyrov anyqtalyp, ustalǵan.
Tergeý barysynda buryn jasalǵan basqa qylmystarmen onyń bailanysy anyqtalyp, Qumarbektiń 2006 jyldan beri birneshe qyzdy zorlap, óltirgeni belgili boldy.
Ol sondai-aq bir qyzdy dalada zorlaǵanyn, biraq óltirmegenin moiyndaǵan. Alaida bul is sol kezde tirkelmegen — bálkim, jábirlenýshi shaǵym túsirmegen. Sol sebepti Qumarbektiń qylmystarynyń naqty sany ázirge belgisiz.
Tergeý kezinde ol anasymen jáne áielimen kezdesýdi surap, qylmystaryn BAQ-ta jariialanbas buryn olarǵa ózi aitqysy kelgen. Kezdesý kezinde jaqyndaryna jasaǵan kisi óltirýlerin moiyndaǵan.
