قىرعىزستاندا سەرييالى مانياك ٸسٸ تەرگەلٸپ جاتىر. 41 جاستاعى قۇماربەك ابدىروۆ 17 جاستاعى ايسۋلۋۋ مۇقاشەۆانى قاتىگەزدٸكپەن ٶلتٸردٸ دەگەن كٷدٸكپەن ۇستالعان. ول كەيٸن سوڭعى 15 جىل ٸشٸندە جاساعان باسقا دا قىلمىستارىن مويىنداعان, دەپ حابارلايدى Ult.kz 24.kg اگەنتتٸگٸنە سٸلتەمە جاساپ.
ەلتر تەلەارناسى 15 قىركٷيەكتە قىرعىزستان ٸٸم قىزمەتكەرلەرٸ جٷرگٸزٸپ جاتقان تەرگەۋ جايلى ارنايى رەپورتاج جارييالاعان.
تەرگەۋ دەرەكتەرٸنە سٷيەنسەك, قۇماربەك العاشقى قىلمىسىن 2006 جىلى «كٶك-جار» تۇرعىن اۋدانىندا جاساعان. ول كەزدە 22 جاستاعى ستۋدەنت قىزدى اناسىمەن بٸرگە كەلە جاتقان جەرٸنەن تەمٸر زاتپەن (گازەتكە ورالعان) ۇرىپ, تەلەفونىن تارتىپ الىپ, قاشىپ كەتكەن. كەيٸن ۇستالعانىمەن, جەبٸرلەنۋشٸلەردەن كەشٸرٸم سۇراپ, 5 مىڭ سوم ٶتەماقى تٶلەگەن سوڭ بوساتىلعان.
2011 جىلعى 14 ناۋرىزدا سوكۋلۋك اۋدانىنىڭ پوليتسيياسىنا كٷن-تۋۋ اۋىلىنا باراتىن جول بويىنداعى ەگٸستٸكتەن جاس ەيەلدٸڭ دەنەسٸ تابىلعانى تۋرالى حابار تٷسكەن. تەرگەۋ بارىسىندا ول بٸشكەك تۇرعىنى ەكەنٸ, 12 اقپان كٷنٸ ٷيٸنەن شىعىپ كەتٸپ, قايتا ورالماعانى انىقتالعان. 1989 جىلى تۋعان ا.ج.ج. الدىمەن زورلانىپ, كەيٸن ٶلتٸرٸلگەن. ەيەل سەگٸز ايلىق جٷكتٸ بولعان.
2014 جىلدىڭ 10 ناۋرىزىندا 19 جاستاعى كاميلا دۋيشەباەۆا جوعالىپ كەتكەن. التى كٷننەن كەيٸن ونىڭ مەيٸتٸ الامٷدٷن اۋدانىنداعى جول جيەگٸنەن تابىلدى. ول ٶز شارفىمەن بۋىندىرىلعان.
بۇل وقيعا ەل اراسىندا ٷلكەن رەزونانس تۋعىزعان ەدٸ. سول كەزدە ميليتسييا كٷدٸكتٸ رەتٸندە بۇرىنعى باس پروكۋرور ايدا ساليانوۆانىڭ تۋىسى قالىبەك ساليانوۆتىڭ اتىن اتاعان. سەبەبٸ, جەبٸرلەنۋشٸ سوڭعى رەت دەل سوعان قوڭىراۋ شالعان. كەيٸننەن انىقتالعانداي, ول كٷنٸ قالىبەك ساليانوۆ دوسىمەن جەنە ەكٸ قىزبەن ساۋنادا بولعان, بٸراق كەيٸن بەينەباقىلاۋ جازبالارى جويىلعان. پوليتسييانىڭ ايتۋىنشا, دەل وسى دەرەكتەردٸڭ جويىلۋى كاميلانى ٶلتٸرۋ ٸسٸن اشۋعا كەدەرگٸ بولعان. قازٸر شىنايى قىلمىسكەر تابىلدى — ول قۇماربەك ابدىروۆ بولىپ شىققان.
2014 جىلدىڭ 13 ناۋرىزىندا تٷنگٸ ساعات 23:37-دە بٸشكەكتەگٸ راززاقوۆ كٶشەسٸندەگٸ تۇرعىن اۋداننان تاعى بٸر جاس قىزدىڭ مەيٸتٸ تابىلعان. تەرگەۋ توبى ونىڭ باسىنا پاكەت كيگٸزٸلٸپ, قولدارى بايلانىپ تاستالعانىن انىقتادى. ساراپتاما نەتيجەسٸندە 22 جاستاعى م.س.ن. زورلانىپ, كەيٸن بۋىندىرىلىپ ٶلتٸرٸلگەنٸ بەلگٸلٸ بولدى. ول كەزدە قىلمىسكەر تابىلماعان. قازٸر تەرگەۋ بارىسىندا ونىڭ دا قىلمىسى قۇماربەككە تيەسٸلٸ ەكەنٸ انىقتالدى.
2015 جىلعى 13 قازاندا قۇماربەك تاعى بٸر قىزدى ٶلتٸرمەك بولعان, بٸراق بۇل جولى جەبٸرلەنۋشٸ تٸرٸ قالعان.
قىزدىڭ سٶزٸنە قاراعاندا:
«ول مەنٸ ارىققا سٷيرەپ تاستادى. 15–20 سەكۋندتان كەيٸن ٷلكەن تاس لاقتىردى — باسىما تيگٸزبەك بولدى, بٸراق قولىما تيدٸ. سوسىن قاراپ تۇردى دا كەتٸپ قالدى. مەن قوزعالا المادىم, قورقىپ جاتتىم, قايتا ورالادى دەپ ويلادىم. بٸراز ۋاقىتتان كەيٸن ارىقتان شىعىپ, جولعا شىقتىم, قارسى بەتتەگٸ جانارماي قۇيۋ بەكەتٸن كٶرٸپ, سوندا قاراي جٷگٸردٸم. ماعان كٶمەكتەسٸپ, اۋرۋحاناعا جەتكٸزدٸ».
كەيٸن ول پوليتسيياعا ارىز جازعان. قۇماربەك ادام ٶلتٸرۋگە وقتالدى دەگەن ايىپپەن ۇستالىپ, 2016 جىلى اۋداندىق سوت ونى 12 جىلعا باس بوستاندىعىنان ايىرعان. بٸراق كەيٸن جازا مەرزٸمٸ 7 جىلعا قىسقارىپ, 2018 جىلى شارتتى تٷردە مەرزٸمٸنەن بۇرىن بوساتىلعان.
2024 جىلدىڭ 27 قىركٷيەگٸندە ساعات 20:30 شاماسىندا ىستىقكٶل وبلىسىندا 2008 جىلى تۋعان قىزدىڭ جوعالعانى تۋرالى حابار تٷسكەن. ول ساعات 12:30 شاماسىندا ٷيٸنەن قۇربىسىنا بارامىن دەپ شىققان, بٸراق قايتىپ ورالماعان. كەيٸن بەلگٸلٸ بولعانداي, سول سەتتە-اق ول ٶلتٸرٸلگەن. تەرگەۋ دەرەگٸ بويىنشا, قىز ەكٸ رەت زورلانعاننان كەيٸن قازا تاپقان.
بەينەباقىلاۋ كامەرالارى ونى Honda Stream اۆتوكٶلٸگٸنە مٸنٸپ وتىرعان سەتٸن تٸركەگەن. وسى جازبا ارقىلى كٶلٸكتٸڭ يەسٸ ەرٸ جٷرگٸزۋشٸسٸ قۇماربەك ابدىروۆ انىقتالىپ, ۇستالعان.
تەرگەۋ بارىسىندا بۇرىن جاسالعان باسقا قىلمىستارمەن ونىڭ بايلانىسى انىقتالىپ, قۇماربەكتٸڭ 2006 جىلدان بەرٸ بٸرنەشە قىزدى زورلاپ, ٶلتٸرگەنٸ بەلگٸلٸ بولدى.
ول سونداي-اق بٸر قىزدى دالادا زورلاعانىن, بٸراق ٶلتٸرمەگەنٸن مويىنداعان. الايدا بۇل ٸس سول كەزدە تٸركەلمەگەن — بەلكٸم, جەبٸرلەنۋشٸ شاعىم تٷسٸرمەگەن. سول سەبەپتٸ قۇماربەكتٸڭ قىلمىستارىنىڭ ناقتى سانى ەزٸرگە بەلگٸسٸز.
تەرگەۋ كەزٸندە ول اناسىمەن جەنە ەيەلٸمەن كەزدەسۋدٸ سۇراپ, قىلمىستارىن باق-تا جارييالانباس بۇرىن ولارعا ٶزٸ ايتقىسى كەلگەن. كەزدەسۋ كەزٸندە جاقىندارىنا جاساعان كٸسٸ ٶلتٸرۋلەرٸن مويىنداعان.
