Almatydaǵy barlardyń birinde stendaper qyzdardy jezóksheler dep aiyptap, olardy balaǵat sózdermen kemsitti. Oqiǵanyń videosy áleýmettik jelide tarady, dep habarlaidy "Ult aqparat".
Videoda ol qyzdardy kelemejdep, suraqtaryna durys jaýap bermei, "seniń anań da jezókshe, basyń durys istemei me?" deidi.
Buǵan deiin stendap-komik Twitter-paraqshasynda áielderge qatysty oiǵa qonymsyz jazbalar jariialaǵan. Tipti bir qyzǵa "jezókshesiń" dep jaýap bergen. Al qazir onyń paraqshasy buǵattalǵan.
Politsiia qyzmetkerleri bul iske qatysty tekserý sharalary júrgizilip jatqanyn aitty.
"Almaty Politsiia departamenti qazir bul iske qatysty tekserý sharalary júrgizilip jatqanyn, onyń nátijeleri boiynsha istiń mán-jaiyn anyqtap, QR zańnamasyna sáikes sheshim qabyldanatynyn habarlaidy. Kúdiktiniń áreketine quqyqtyq baǵa beriletin bolady", - delingen habarlamada.
