Qazaq ulttyq qyzdar pedagogikalyq ýniversitetine tiesili jer ýchaskesin iemdenip, satyp jiberdi degen kúdikpen birqatar laýazymdy tulǵa ustaldy. Bul týraly QR Sybailas jemqorlyqqa qarsy is-qimyl agenttiginiń baspasóz qyzmeti habarlady.
«Almaty oblysy boiynsha Sybailas jemqorlyqqa qarsy qyzmet Qazaq ulttyq qyzdar pedagogikalyq ýniversitetiniń burynǵy qyzmetkerin, «Azamattarǵa arnalǵan úkimet» KEAQ Almaty oblysy boiynsha filialynyń Qarasai aýdandyq tirkeý jáne jer kadastry bóliminiń jáne Qarasai aýdany ákimdiginiń jer qatynastary bóliminiń basshylaryn 2018 jyly oryn alǵan Kemertoǵan kentinde ornalasqan aýdany 9,0 ga jer telimi túrindegi ýniversitettiń múlkin urlady degen kúdikpen ustady», delingen resmi habarlamada.
Vedomstvonyń málimetinshe, ýniversitettiń jer telimi birneshe telimge zańsyz bólingen jáne jalǵan qujattarmen ustalǵan tulǵalarǵa úlestes bolyp rásimdelip, keiin adal satyp alýshylarǵa satylǵan.
«Atalǵan tulǵalar qylmys izderin jasyrý jáne jer telimin ýniversitet balansyna jalǵan qaitarý maqsatynda 2021 jyldyń qańtarynda quqyq belgileitin qujattarsyz memlekettiń jer qorynan Kóldi kentinde sanitarlyq aimaqta ornalasqan, jeke menshikke berýge jatpaityn jer telimin zańsyz bólgen», - deidi agenttik ókilderi.
Búgingi tańda barlyq kúdiktilerge sottyń sanktsiiasymen bultartpaý sharasy taǵaiyndalǵan.
«Tergeý jalǵasýda, jasalǵan qylmysqa qatysy bar basqa adamdardy anyqtaý maqsatynda qajetti tergeý sharalary júrgizilýde», – delingen baspasóz málimetinde.
