قازاق ۇلتتىق قىزدار پەداگوگيكالىق ۋنيۆەرسيتەتٸنە تيەسٸلٸ جەر ۋچاسكەسٸن يەمدەنٸپ, ساتىپ جٸبەردٸ دەگەن كٷدٸكپەن بٸرقاتار لاۋازىمدى تۇلعا ۇستالدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸ حابارلادى.
«الماتى وبلىسى بويىنشا سىبايلاس جەمقورلىققا قارسى قىزمەت قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ بۇرىنعى قىزمەتكەرٸن, «ازاماتتارعا ارنالعان ٷكٸمەت» كەاق الماتى وبلىسى بويىنشا فيليالىنىڭ قاراساي اۋداندىق تٸركەۋ جەنە جەر كاداسترى بٶلٸمٸنٸڭ جەنە قاراساي اۋدانى ەكٸمدٸگٸنٸڭ جەر قاتىناستارى بٶلٸمٸنٸڭ باسشىلارىن 2018 جىلى ورىن العان كەمەرتوعان كەنتٸندە ورنالاسقان اۋدانى 9,0 گا جەر تەلٸمٸ تٷرٸندەگٸ ۋنيۆەرسيتەتتٸڭ مٷلكٸن ۇرلادى دەگەن كٷدٸكپەن ۇستادى», دەلٸنگەن رەسمي حابارلامادا.
ۆەدومستۆونىڭ مەلٸمەتٸنشە, ۋنيۆەرسيتەتتٸڭ جەر تەلٸمٸ بٸرنەشە تەلٸمگە زاڭسىز بٶلٸنگەن جەنە جالعان قۇجاتتارمەن ۇستالعان تۇلعالارعا ٷلەستەس بولىپ رەسٸمدەلٸپ, كەيٸن ادال ساتىپ الۋشىلارعا ساتىلعان.
«اتالعان تۇلعالار قىلمىس ٸزدەرٸن جاسىرۋ جەنە جەر تەلٸمٸن ۋنيۆەرسيتەت بالانسىنا جالعان قايتارۋ ماقساتىندا 2021 جىلدىڭ قاڭتارىندا قۇقىق بەلگٸلەيتٸن قۇجاتتارسىز مەملەكەتتٸڭ جەر قورىنان كٶلدٸ كەنتٸندە سانيتارلىق ايماقتا ورنالاسقان, جەكە مەنشٸككە بەرۋگە جاتپايتىن جەر تەلٸمٸن زاڭسىز بٶلگەن», - دەيدٸ اگەنتتٸك ٶكٸلدەرٸ.
بٷگٸنگٸ تاڭدا بارلىق كٷدٸكتٸلەرگە سوتتىڭ سانكتسيياسىمەن بۇلتارتپاۋ شاراسى تاعايىندالعان.
«تەرگەۋ جالعاسۋدا, جاسالعان قىلمىسقا قاتىسى بار باسقا ادامداردى انىقتاۋ ماقساتىندا قاجەتتٸ تەرگەۋ شارالارى جٷرگٸزٸلۋدە», – دەلٸنگەن باسپاسٶز مەلٸمەتٸندە.
