Foto: ashyq derekkóz
Saýda ministrligi áleýmettik mańyzy bar azyq-túlik taýarlary tizbesin keńeitý týraly buiryq jobasyn qoǵamdyq talqylaýǵa shyǵardy, dep habarlaidy Ult.kz.
QR Saýda jáne integratsiia ministrligi «Ashyq NQA» portalynda Qazaqstan Respýblikasy Premer-Ministriniń orynbasary – Saýda jáne integratsiia ministriniń 2023 jylǵy 11 mamyrdaǵy №166-NQ «Áleýmettik mańyzy bar azyq-túlik taýarlarynyń tizbesin bekitý týraly» buiryǵyna ózgeris engizý jónindegi buiryq jobasyn jariialady.
Buiryq jobasynda áleýmettik mańyzy bar azyq-túlik taýarlarynyń qazirgi tizbesin keńeitý kózdelgen. Buǵan deiin tizbede 19 ataý bolsa, jańa jobada olardyń sanyn 33-ke deiin arttyrý usynady.
Buiryq jobasyna sáikes jańartylǵan tizbege qyzanaq, qiiar, alma, siyr eti súiegimen, súieksiz siyr eti, tartylǵan et, qoi eti súiegimen, jańa nemese salqyndatylǵan balyq, muzdatylǵan balyq, ýltrapasterlengen sút, qaimaq, qatty irimshik, qara shaidy qosý kózdelgen. Ár pozitsiia biznes qaýymdastyqpen, kásipkerler palatasymen jáne memlekettik organdarmen qosymsha talqylaýdan ótedi.
Tizbeni ýaqytsha keńeitýdiń negizgi maqsaty – halyqtyń kúndelikti tutynatyn basty azyq-túlik ónimderine qoljetimdiligin arttyrý jáne olardyń baǵasynyń turaqtylyǵyn qamtamasyz etý.
ÁMAT tizbesin keńeitý – ýaqytsha qoldanylatyn shara. Ol atalǵan taýarlardyń baǵasyn qalyptastyrý úderisiniń ashyqtyǵyn arttyrýǵa jáne joǵary ústeme baǵa qoiatyn ónimsiz deldaldardy ainalymnan shyǵarýǵa baǵyttalǵan. Bul ózgerister atalǵan taýarlardy óndirýshiler úshin óndiris kólemin ulǵaitý men óndiris qýatyn keńeitýge qosymsha yntalandyrý bolady.
Taýarlardyń ÁMAT tizbesine engizilýi óndirýshiler men importtaýshylardy saýda jelilerine syiaqy men retrobonýstar tóleý mindetinen bosatady. Bul óz kezeginde taýarlardyń túpkilikti baǵasyn tómendetýge jáne biznestiń qarajattyn óz qyzmetin damytýǵa baǵyttaýyna múmkindik beredi.
Tizbege engizilgen taýarlardy óndirýshiler memlekettik qoldaýdyń birqatar sharalaryna, máselen áleýmettik mańyzy bar taýarlardy jeńildetilgen tarifpen tasymaldaý, kommýnaldyq qyzmetter boiynsha bekitilgen tarifter, jeńildetilgen ainalym qarajaty jáne ózge de qoldaý quraldaryna qol jetkize alady.
Áleýmettik mańyzy bar azyq-túlik taýarlarynyń usynylyp otyrǵan tizbesi:
1. Birinshi surypty bidai uny
2. Birinshi surypty bidai unynan jasalǵan bidai nany (pishindi)
3. Rojki (ólshenip salynatyn)
4. Qaraqumyq jarmasy (dán, ólshenip salynatyn)
5. Tazartylǵan kúrish (domalaq dándi, ólshenip salynatyn )
6. Kartop
7. As sábizi
8. Piiaz
9. Aq qaýdandy oramjapyraq
10. Qyzanaq
11. Qiiar
12. Alma
13. Qant – qumsheker
14. Kúnbaǵys maiy
15. Súiegi bar siyr eti
16. Súieksiz siyr eti
17. Tartylǵan et
18. Súiegi bar qoi eti
19. Súiegi bar jylqy eti
20. Jańa aýlanǵan nemese salqyndatylǵan balyq (taran, teńge balyq, kókserke, shortan, sazan, aqsaqa)
21. Muzdatylǵan balyq (kókserke, mintai, hek, kambala, skýmbriia, sazan)
22. Taýyq eti (jambasy, siraq, taýyq san eti)
23. Taýyq
24. 2,5% mailylyqtaǵy jumsaq qaptamadaǵy pasterlengen sút
25. Ýltrapasterlengen, sterildengen sút
26. 2,5% mailylyqtaǵy airan
27. Qaimaq
28. 5–9% mailylyqtaǵy súzbe
29. Qatty irimshik
30. Sary mai (tuzsyz, keminde 72,5% mailylyq, qospasyz jáne ósimdik mailarynsyz)
31. Taýyq jumyrtqasy (I sanat)
32. Qara shai
33. As tuzy («Ekstra» sanatynan basqa)
Saýda jáne integratsiia ministrligi barlyq múddeli azamattardy, biznes ókilderin jáne sarapshylardy «Ashyq NQA» portalyndaǵy buiryq jobasyn qoǵamdyq talqylaýǵa belsendi qatysýǵa shaqyrady:
https://legalacts.egov.kz/npa/view?id=15715467
