Oblystyq politsiia departamentiniń bastyǵy 66/55 áskeri bóliminiń jetekshi mamany Andrei Petrovqa alǵys hat tapsyrdy, dep habarlaidy "Ult aqparat".
Aqtóbede «Batys» óńirlik qolbasshylyǵyna qarasty 66/55 áskeri bóliminiń jetekshi mamany Andrei Petrov qyzdy zorlyq bolǵan adamdy qolǵa túsirdi. Oqiǵa 15 maýsym kúni saǵat 03:00-de boldy. Andrei Petrov óz páteriniń balkonyna shyqqan kezde kómekke shaqyrǵan áieldiń daýysyn estidi. Syrtqa júgirip shyqqan ol butalardyń arasynda áielge zorlyq-zombylyq kórsetip jatqan er adamdy kóredi. Birden onyń qolyn qaiyryp, shetke iterip jiberedi. Osy qylmystyń kýágeri aqtóbelik Tolǵanai Lesbaeva videojazbaǵa bárin túsirip alyp, politsiiaǵa qońyraý shalyp, kómekke shaqyrǵan. Qashyp ketpekke árekettengen kezinde jibermei, ustap turǵan. Sot kúdiktini kináli dep taýyp, 5 jylǵa bas bostandyǵynan aiyrdy. Búgin oblystyq Politsiia departamentiniń bastysy Atyǵai Arystanov eki qutqarýshyǵa alǵysyn bildirdi.
«Batyldyq tanytyp, kúdiktini ustaýǵa kómek kórsettińiz. Mundai erlik óskeleń urpaqqa úlgi. Politsiiaǵa kómektesip, bir adamnyń ómirin saqtap qalǵan sizderge alǵys aitamyz», - dep atap ótti oblystyq politsiia departamenti bastyǵy A.Arystanov.
Qyraǵylyq pen batyl is-áreketi úshin Aqtóbe oblysy PD bastyǵy Atyǵai Arystanov 66/55 áskeri bóliminiń jetekshi mamany Andrei Petrovqa jáne kýáger Tolǵanai Lesbaevaǵa saltanatty túrde alǵys hatty tabystady. Andrei Petrov – Muǵaljar aýdany, Jem qalasynyń týmasy. Ulttyq ulanda 2017 jyldan beri qyzmet etedi.
«Bul – erlik emes. Kez kelgen adam osylai jasar edi. Kómekke shaqyrǵan adamǵa qol ushyn berý – er azamattyń boryshy», – deidi jetekshi maman A. Petrov.
