Foto: kaktus.media
Qyrǵyzstanda qyz súiisý kezinde jigittiń tilin tistep, julyp alǵan. Bul týraly Ult.kz Kaktus.media saityna silteme jasap habarlaidy.
Oqiǵa 8 qarashada bolǵan. Qyrǵyzstannyń Jalal-Abad oblystyq klinikalyq aýrýhanasynyń direktory Kýmar Botokaraev bul oqiǵany rastady.
«Jigittiń tiliniń ushy men tómengi erniniń bir bóligi tistelip ketken. Naýqasqa ota jasalyp, zaqymdanǵan jerleri tigildi. Qazir ol jaq-bet hirýrgiiasy bóliminde em qabyldap jatyr. Tili qalpyna kelýi múmkin. Mundai jaraqattar ádette epilepsiia kezinde bolady, al súiisý kezinde — meniń tájiribemde alǵash ret kezdesip otyr», — dedi Botokaraev.
Ishki ister basqarmasy bul fakt Manas aýdandyq IIB-niń qylmystar men quqyq buzýshylyqtardyń biryńǵai tizilimine tirkelgenin jáne tekserý bastalǵanyn habarlady.
«Tergeý barysynda 1999 jyly týǵan S. ýýlý N. esimdi jigittiń A. J. esimdi (2006 jyly týǵan) qyzben kezdesip júrgeni anyqtaldy. Oqiǵa bolǵan kúni olar dosynyń úilený toiyna birge qatysyp, spirttik ishimdik ishken. Súiisý kezinde A. J. jigitti tistep alyp, onyń tómengi erni men tilin jaraqattaǵan. Sondai-aq, oqiǵaǵa qatysqan eki taraptyń da aqyl-esi durys, psihikalyq aýytqýlary joq ekeni anyqtaldy», — dep habarlady militsiia.
Qazirgi ýaqytta Manas aýdandyq IIB-niń tergeý qyzmeti S. ýýlý N.-ǵa qatysty sot-meditsinalyq saraptama taǵaiyndady, tergeý sharalary jalǵasýda.
