- Qytaidyń memlekettik keńesi eldiń memlekettik kásiporyndaryn basqaratyn tulǵalardyń jalaqy deńgeii týraly derekterdi jariialady, dep habarlady jergilikti BAQ-qa silteme jasap "Kommersant".
Korporativtik basshylyqtyń birqatar ókilderiniń eń kóp jyldyq tabysy 1 mln iýandy (144 myń dollar), eń azy - 40-50 myń iýandy quraidy. Statistikaǵa sáikes memlekettik sektor direktorlary arasynda 15 adam ǵana milliondyq tabys alady.
Atap aitqanda, bul topqa China Merchants Group basqarmasynyń tóraǵasy Li Tszianhýn da jatady. Onyń bir jyldyq jalaqysy 1,2 mln iýandy ($172,8 myń) quraidy. 40 shaqty basshy 800 myń iýan alatyn bolyp shyqty. Olar negizinen, elektrmen jabdyqtaý salasyndaǵy kásiporyndardy basqaratyndar.
Qytai úkimetiniń derekterine sáikes memlekettik kompaniialar direktoratynyń jyldyq jalaqy deńgeii 500-700 myń iýandy (72-100 myń dollar) quraidy. Jergilikti sholýshylar atap ótkendei, memlekettik sektor boiynsha jariialanǵan tabys deńgeii Qytaidyń birqatar jeke kompaniialarynyń basshylaryna qaraǵanda, birneshe ese tómen bolyp shyqty.
Eske salsaq, Forbes basylymy qarashada reseilik kompaniialardyń eń kóp tabys tabatyn basshylarynyń jyl saiynǵy reitingin usyndy. Birinshi orynda «Gazprom» basshysy Aleksei Miller - - $17,7 mln. «Rosnefti» prezidenti Igor Sechin - ekinshi orynda ($13 mln). Úshinshi orynda Sberbank basshysy German Gref ($11 mln), tórtinshi - ONEKSIM tobynyń bas direktory Dmitrii Razýmov, besinshi - USM Advisors-tan Ivan Streshinskii - olardyń tabysy - $10 mln.
