«SaryarqaAvtoProm» zaýyty, China National Vehicle Import and Export Company jəne «Kazakhexport» Eksporttyq saqtandyrý kompaniiasy» AQ arasynda yntymaqtastyq memorandýmyna qol qoiyldy, dep habarlaidy QazAqparat tilshisi.
Qol qoiý rásimine Qostanai oblysynyń əkimi Arhimed Muhambetov, Qazaqstannyń Damý bankiniń tóraǵasy Bolat Jəmishev, «Alliýr» kompaniia toby» AQ basqarmasy tóraǵasy Iýrii Tshai, General Technology Group kompaniiasynyń ókili Vang Sý Sheng qatysty.
Oblys əkimi Arhimed Muhambetov qytailyq kompaniia Qostanaiǵa 1 mlrd 200 mln dollar investitsiia quiatynyn aitty.
«Bul az qarjy emes. General Technology Group kompaniiasy əlemdegi əleýetti 500 kəsiporynnyń ishine kiredi. Sońǵy jyly Qostanaidaǵy avtomobil shyǵarý isi 4 paiyzǵa artty. Osy qarqynda jumys istei bersek, otandyq avtoóndiris salasyn keńeitip, əlemdik naryqqa emin-erkin shyǵamyz», - dedi óńir basshysy.
Búginde avtonaryqta básekelestik joǵary. Jospar boiynsha «SaryarqaAvtoProm» zaýyty jyl sońyna deiin alty myń dana kólikti satylymǵa shyǵarýǵa yntaly. «Alliýr» kompaniiasy toby» AQ direktorlar keńesi tóraǵasy Andrei Lavrentevtiń aitýynsha, úshjaqty əriptestik nətijesinde «SaryarqaAvtoProm» JShS JAC avtokólikterin Resei naryǵyna shyǵarý quqyǵyna ie bolady.
«Búgingi memorandým Elbasynyń qoldaýymen júzege asyrylyp otyr. Kásiporyn Qytai, Ózbekstan siiaqty eldermen tyǵyz bailanysta. Sońǵy jeti jyl ishinde zaýyt 30 myń avtokólik qurastyrdy. Barlyǵy 41,6 mlrd teńgeniń ónimderi óndirildi», - dedi Iýrii Tshai.
Qazaqstannyń Damý bankiniń tóraǵasy Bolat Jəmishev te búgingi memorandýmnyń mańyzyna toqtaldy. Onyń sózinshe, mashina qurastyrý isi el ekonomikasyn damytýdyń basty tetigine ainaldy.
