Densaýlyq saqtaý ministrliginiń jaýapty hatshysy Botagóz Jaqselekova Qytaidan kelgen dárigerler koronavirýs kúresýde qandai tájiribelerimen bólisetinin aityp berdi, dep habarlaidy QazAqparat.
«Qazaqstan men Qytaidyń Memleket basshylarynyń 9 sáýirdegi kelisimine sáikes ártúrli mamandyq ieleri sanatyndaǵy 10 adamnan turatyn qytailyq delegatsiia elimizge keldi. Olardyń ishinde intensivti terapiia, infektsiialyq baqylaý, pýlmonologiia, epidemiologiia, qoǵamdyq densaýlyq saqtaý salasyndaǵy mamandar bar. Sonymen qatar delegatsiia quramynda jańa koronavirýs infektsiiasymen kúreste tájiribesi bar medbike de keldi. Qytailyq delegatsiianyń baǵdarlamasy óte mazmundy. 15 kúnge sozylady. Olar kópbeiindi aýrýhanalar men klinikalardy aralap, ártúrli mamandyqtaǵy dárigerlermen onlain-trening ótkizedi. Qytailyq delegatsiiamen tájiribe almasý úshin aýdandyq deńgeige deiingi meditsinalyq qyzmetkerlerimizdi tartyp otyrmyz», - dedi Botagóz Jaqselekova onlain rejimde OKQ-da ótken baspasóz máslihatynda.
Onyń aitýynsha qytailyq dárigerler meditsinalyq JOO-larda kezdesý men baspasóz máslihattaryn da ótkizedi.
«Qytailyq sarapshylar KVI-men kúreste óz tájiribesimen bólisedi. Koronavirýs infektsiiasy boiynsha aldyn alý jáne ony baqylaýdyń óz modeli týraly aityp beredi. Mamandar virýsty anyqtaý algoritmi, bailanysta bolǵan adamdardy oqshaýlaý, Qytaidaǵy epidemiologiialyq zertteý ádisterin paidalaný, emdeý hattamalary men diagnostika, meditsinalyq qyzmetkerdiń virýs juqtyrýyn boldyrmaý amaldary jaily aitady», - dedi ol.
