Biyl Qytai Halyq Respýblikasy qazaqtyń qoiyna kóptep tapsyrys berdi. Alaida Qazaqstan ondai tapsyrysty ázirshe oryndai almaidy, dep xabarlaidy Ult.kz tilshisi QazAqparat agenttigine silteme jasap.
«Negizi, bizge aýyl sharýashylyǵyn, sonyń ishinde tamaq ónerkásibin barynsha damytqan tiimdi. Sebebi Qazaqstanda aýyl sharýashlyǵy jerleri 200 mln gektardan asady. Osy múmkindikti jan-jaqty paidalaný qajet. Aýyl sharýashylyǵy taýarlaryna da joǵary suranys bolady. Biz ony anyq baiqap otyrmyz. Biz kórshi Qytaiǵa jii baryp turamyz. Máselen, biyl olar qoi eti boiynsha bizge 160 myń tonnaǵa tapsyrys berip otyr. Ekijaqty kelisimsharttardy qazir-aq rásimdeýge ázir. Ókinishke qarai, ázirshe biz ondai tapsyrysty oryndai almaimyz», - deidi «Atameken» UKP basqarma basshysynyń orynbasary Nurjan Áltaev.
Aita keteiik, búgin Astanaǵy «Kórme» ortalyǵynda otandyq taýar óndirýshileriniń «Uly Dala eli» atty kezekti forýmnyń otyrysy bastaldy. Forým aiasynda otandyq taýarlardyń kórmesi ashyldy. Oǵan 350 kompaniia qatysyp jatyr. Kórme aiasynda sheteldiń iri elektrondy saýda platformalary alǵash ret óz stendterin ashty.
