Qytaiǵa siyr etin eksporttaýǵa quqyǵy bar kásiporyndar tizilimi keńeitildi. Bul jaiynda QR Aýyl sharýashylyǵy ministrliginiń facebook-taǵy paraqshasynda jariialanǵan aqparatta aitylǵan, dep habarlaidy "Ult aqparat".
«2019 jyldyń 10 mamyrynda Qytaidyń Bas keden basqarmasy Aqtóbe oblysynyń «Aqtóbe et kombinaty» JShS, Almaty oblysynyń «MPS» JShS jáne «Baiserke Agro» JShS Qazaqstannan siyr etin ákelýge quqyǵy bar kásiporyndar tizimine engizdi. Sonymen qatar, Aqmola oblysynyń «Astana Agroproduct» JShS-in osy tizimge engizý týraly sheshim kútilýde», - delingen aqparatta.
Eske sala keteiik, 26 sáýirde Beijińdegi «Bir beldeý - bir jol» ekinshi forýmy aiasynda et jáne et ónimderine veterinarlyq sertifikat berildi. Tizilimge 5 qazaqstandyq kásiporyn kirgen bolatyn.
