Búgin Qazaqstan Respýblikasy Ulttyq mýzeiinde «EXPO-2017» halyqaralyq mamandandyrylǵan kórmesi aiasynda Imperator Tsin Shihýandidiń Terrakota áskeri kórmesiniń ashylý saltanaty ótti.
Kórmeniń maqsaty: kelýshilerdi bizdiń eramyzǵa deiingi 2010-2009 jyldary daiyndalǵan jáne 1987 jyly IýNESKO-nyń Álemdik muralar tizimine kirgizilgen álemdik óner jaýhary - Tsin dinastiiasynyń terrakota músinderimen tanystyrý.
Ashylý saltanaty barysynda alǵashqy sóz alǵan Qazaqstan Respýblikasy Mádeniet jáne sport ministrliginiń Jaýapty hatshysy Ýáliev Qýatjan: «Qazaq halqy ejelden qonaqjai halyq retinde ár halyqtyń tarihi qundylyqtaryn óz dárejesinde baǵalaidy. Jáne de biz mundai álemdik dárejedegi kórmelerdi halqymyzǵa nasihattaýǵa árqashan daiynbyz. Bizdiń halyq pen kórshiles qytai eli ejelden saiasi qarym-qatynas jasasyp kele jatqany málim. Bul dástúr Táýelsizdik jyldarynda da óz jalǵasyn tapty. Al, saiasi qarym-qatynastan bólek, mádeni qarym-qatynastardy búgin, mine, ózderińiz tamashalap otyrsyzdar», - dep eki el arasyndaǵy dostyqqa toqtaldy.
Quttyqtaý sóz sóilegen Shensi provintsiiasy mádeni eskertkishter basqarmasynyń direktory Djao Rong:
«Qurmetti de qadirmendi mýzei qonaqtary! Osy kórmeni uiymdastyrýǵa atsalysqan barshańyzǵa alǵysym sheksiz. Imperator Tsinniń dáýiri bizdiń el úshin óte mańyzdy kezeń. Óitkeni, ol bizdiń ǵasyrymyzdyń 221 jyly búkil qytaidyń basyn biriktirdi. Jazýyn bir júiege keltirip, sanaq júiesin standarttady. Qytai halqynyń birigip damýynyń bastaýynda Tsin dáýiri turǵanyn basa aitýymyz kerek jáne bul dáýir Qazaqstan men Qytaidy ǵana emes, Eýropa men Aziiany bailanystyrǵan Uly Jibek jolynyń qarqyndy damýyna da óz sharapatyn tigizdi. Ejelden úzdiksiz qarym-qatysta kele jatqan eki eldiń arasyndaǵy mádeni bailanystyń shyńy bul emes. Bul - bastaýy ǵana», - dep birshama bolashaq josparlardan habar berdi.
«Terrakota áskeri» - Sian qalasyndaǵy Tsin Shihýandi imperatordyń kesenesi janyndaǵy 8099 qytai jaýyngeriniń jáne olardyń attarynyń ólshemi saqtalǵan músinderi qabiriniń ataýy.
Músinderdi 1974 jyly jergilikti sharýalar Lishan taýynyń shyǵys jaǵynan artezian uńǵymasyn qazyp jatqan kezde tapqan.
Tarihi derekter boiynsha, Tsin Shihýandi taqqa otyrǵannan bir jyldan keiin b.z.d. 246 jyly óziniń mazaryn sala bastaidy. Onyń oiy boiynsha músinder oǵan ana ómirde serik bolyp júrýi tiis.
Sazdan jasalǵan ásker imperator mazarynyń shyǵysynda parallel tabyttarda 1,5 km boiy sapqa tizilip qoiylǵan.
Jaýyngerlerdiń músinderi óner týyndysy bolyp tabylady. Óitkeni, olardyń árqaisysy jeke-jeke tártippen ártúrli tásilderdi qoldaný arqyly qoldan jasalǵan. Árbir jeke músinniń keskini, tipti bet kelbetteri de qaitalanbaidy.
Kórmege 50-ge jýyq arheologiialyq buiymdar qoiylady. Bular: áskerlerdiń músinderi, qarý-jaraqtar, jabynqyshtar, ydys-aiaqtar, altyn jáne kúmis áshekeiler.
Kórme 2017 jyldyń 10 qyrkúiegine deiin jalǵasady.
