بٷگٸن قازاقستان رەسپۋبليكاسى ۇلتتىق مۋزەيٸندە «EXPO-2017» حالىقارالىق مامانداندىرىلعان كٶرمەسٸ اياسىندا يمپەراتور تسين شيحۋانديدٸڭ تەرراكوتا ەسكەرٸ كٶرمەسٸنٸڭ اشىلۋ سالتاناتى ٶتتٸ.
كٶرمەنٸڭ ماقساتى: كەلۋشٸلەردٸ بٸزدٸڭ ەرامىزعا دەيٸنگٸ 2010-2009 جىلدارى دايىندالعان جەنە 1987 جىلى يۋنەسكو-نىڭ ەلەمدٸك مۇرالار تٸزٸمٸنە كٸرگٸزٸلگەن ەلەمدٸك ٶنەر جاۋھارى - تسين ديناستيياسىنىڭ تەرراكوتا مٷسٸندەرٸمەن تانىستىرۋ.
اشىلۋ سالتاناتى بارىسىندا العاشقى سٶز العان قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ جاۋاپتى حاتشىسى ۋەليەۆ قۋاتجان: «قازاق حالقى ەجەلدەن قوناقجاي حالىق رەتٸندە ەر حالىقتىڭ تاريحي قۇندىلىقتارىن ٶز دەرەجەسٸندە باعالايدى. جەنە دە بٸز مۇنداي ەلەمدٸك دەرەجەدەگٸ كٶرمەلەردٸ حالقىمىزعا ناسيحاتتاۋعا ەرقاشان دايىنبىز. بٸزدٸڭ حالىق پەن كٶرشٸلەس قىتاي ەلٸ ەجەلدەن ساياسي قارىم-قاتىناس جاساسىپ كەلە جاتقانى مەلٸم. بۇل دەستٷر تەۋەلسٸزدٸك جىلدارىندا دا ٶز جالعاسىن تاپتى. ال, ساياسي قارىم-قاتىناستان بٶلەك, مەدەني قارىم-قاتىناستاردى بٷگٸن, مٸنە, ٶزدەرٸڭٸز تاماشالاپ وتىرسىزدار», - دەپ ەكٸ ەل اراسىنداعى دوستىققا توقتالدى.
قۇتتىقتاۋ سٶز سٶيلەگەن شەنسي پروۆينتسيياسى مەدەني ەسكەرتكٸشتەر باسقارماسىنىڭ ديرەكتورى دجاو رونگ:
«قۇرمەتتٸ دە قادٸرمەندٸ مۋزەي قوناقتارى! وسى كٶرمەنٸ ۇيىمداستىرۋعا اتسالىسقان بارشاڭىزعا العىسىم شەكسٸز. يمپەراتور تسيننٸڭ دەۋٸرٸ بٸزدٸڭ ەل ٷشٸن ٶتە ماڭىزدى كەزەڭ. ٶيتكەنٸ, ول بٸزدٸڭ عاسىرىمىزدىڭ 221 جىلى بٷكٸل قىتايدىڭ باسىن بٸرٸكتٸردٸ. جازۋىن بٸر جٷيەگە كەلتٸرٸپ, ساناق جٷيەسٸن ستاندارتتادى. قىتاي حالقىنىڭ بٸرٸگٸپ دامۋىنىڭ باستاۋىندا تسين دەۋٸرٸ تۇرعانىن باسا ايتۋىمىز كەرەك جەنە بۇل دەۋٸر قازاقستان مەن قىتايدى عانا ەمەس, ەۋروپا مەن ازييانى بايلانىستىرعان ۇلى جٸبەك جولىنىڭ قارقىندى دامۋىنا دا ٶز شاراپاتىن تيگٸزدٸ. ەجەلدەن ٷزدٸكسٸز قارىم-قاتىستا كەلە جاتقان ەكٸ ەلدٸڭ اراسىنداعى مەدەني بايلانىستىڭ شىڭى بۇل ەمەس. بۇل - باستاۋى عانا», - دەپ بٸرشاما بولاشاق جوسپارلاردان حابار بەردٸ.
«تەرراكوتا ەسكەرٸ» - سيان قالاسىنداعى تسين شيحۋاندي يمپەراتوردىڭ كەسەنەسٸ جانىنداعى 8099 قىتاي جاۋىنگەرٸنٸڭ جەنە ولاردىڭ اتتارىنىڭ ٶلشەمٸ ساقتالعان مٷسٸندەرٸ قابٸرٸنٸڭ اتاۋى.
مٷسٸندەردٸ 1974 جىلى جەرگٸلٸكتٸ شارۋالار ليشان تاۋىنىڭ شىعىس جاعىنان ارتەزيان ۇڭعىماسىن قازىپ جاتقان كەزدە تاپقان.
تاريحي دەرەكتەر بويىنشا, تسين شيحۋاندي تاققا وتىرعاننان بٸر جىلدان كەيٸن ب.ز.د. 246 جىلى ٶزٸنٸڭ مازارىن سالا باستايدى. ونىڭ ويى بويىنشا مٷسٸندەر وعان انا ٶمٸردە سەرٸك بولىپ جٷرۋٸ تيٸس.
سازدان جاسالعان ەسكەر يمپەراتور مازارىنىڭ شىعىسىندا پاراللەل تابىتتاردا 1,5 كم بويى ساپقا تٸزٸلٸپ قويىلعان.
جاۋىنگەرلەردٸڭ مٷسٸندەرٸ ٶنەر تۋىندىسى بولىپ تابىلادى. ٶيتكەنٸ, ولاردىڭ ەرقايسىسى جەكە-جەكە تەرتٸپپەن ەرتٷرلٸ تەسٸلدەردٸ قولدانۋ ارقىلى قولدان جاسالعان. ەربٸر جەكە مٷسٸننٸڭ كەسكٸنٸ, تٸپتٸ بەت كەلبەتتەرٸ دە قايتالانبايدى.
كٶرمەگە 50-گە جۋىق ارحەولوگييالىق بۇيىمدار قويىلادى. بۇلار: ەسكەرلەردٸڭ مٷسٸندەرٸ, قارۋ-جاراقتار, جابىنقىشتار, ىدىس-اياقتار, التىن جەنە كٷمٸس ەشەكەيلەر.
كٶرمە 2017 جىلدىڭ 10 قىركٷيەگٸنە دەيٸن جالعاسادى.
