Qytaidyń ońtústigindegi Gýandýn provintsiiasynda tolassyz jaýǵan jańbyrdyń saldarynan úsh qalany sý basyp, 110 myń turǵyn evakýatsiialandy, tórt adam qaza tapty, taǵy 10 adam iz-túzsiz joǵaldy, dep habarlaidy "Ult aqparat" BBC-ge silteme jasap.
Sinhýa memlekettik aqparat agenttiginiń habarlaýynsha, 36 úi qirap, taǵy 48 úi qatty zardap shekken. Úlken aýmaqtar men kósheler sý astynda qaldy, kópirler qulady.
Sý tasqynynan provintsiia astanasy Gýanchjoý, sondai-aq Shaogýan jáne Heiýan qalalary qatty zardap shekti. Gýanchjoý halyqaralyq áýejaiyndaǵy reister toqtatyldy. Úsh qalada barlyq mektepter jabyldy.
Bilik provintsiianyń soltústigindegi ózen deńgeii «100 jylda bir ret keletin» deńgeige jetýi múmkin dep boljaidy.
Sý tasqynynan kelgen jalpy shyǵyn 140 million iýannan (19 million dollar) asady.
.jpg)