QHR naryqty retteý jónindegi memlekettik basqarmasy elektrondyq kommertsiia alyby Alibaba Group-qa qatysty monopoliiaǵa qarsy tergeý protsedýrasyn bastap ketti, dep habarlaidy "Ult aqparat" vedomstvonyń málimdemesine silteme jasap.
«Zańǵa sáikes, Alibaba Group-qa qatysty monopolistik áreketterge kúdik boiynsha tergeý bastaldy», – delingen memlekettik basqarmanyń naryqty retteý jaily málimdemesinde.
Alibaba Group satýshylardy «ekeýdiń bireýin tańdaýǵa» májbúrlegen, iaǵni tek olarmen ǵana jumys istep, saýda alybynyń básekelesterimen jumysty toqtatqan.
Alibaba Group beisenbide habarlama alǵanyn jáne retteýshilerdiń tergeýine belsendilik tanytyp kómektesetinin rastady. Alibaba Group kompaniiasynyń Gonkong qor birjasyndaǵy aktsiialarynyń baǵasy 8,1%-ǵa tómendedi.
Esterińizge sala keteiik, Alibaba Group Qytaidaǵy eń iri elektrondyq kommertsiia platformalaryn, sonyń ishinde Taobao-ny basqarady.
