Qytaidyń Qyrǵyzstandaǵy elshiliginde jarylysty jankeshti jasaǵan. Bul týraly tilshilerge Qyrǵyz Respýblikasynyń vitse-premer-ministri Jenish Razakov habarlady, - dep jazady "Vechernii Bishkek".
Onyń aitýynsha, Mitsubishi Delica markaly kólik diplomatiialyq vedomstvonyń qaqpasyn soǵyp, kirip, jarylǵan. Saldarynan lańkes qaza tapty, al elshiliktiń úsh qyzmetkeri jaraqat alyp, aýrýhanada jatyr. Jaraqat alǵandar Qyrǵyzstannyń azamattary. Ázirshe Qytai elshisiniń jarylys kezinde qaida bolǵany belgisiz. Qazirgi ýaqytta jedel-tergeý sharalary júrip jatyr.
Al 24.kg basylymynyń málimetinshe, Qyrǵyzstannyń Memlekettik ulttyq qaýipsizdik komiteti terrorizm deregi boiynsha qylmystyq iz qozǵapty.
