Qytaidan kelgen qazaq áiel Gúljan Máýithan keden beketinde tárkilengen 40 myń dollaryn qaitaryp alatyn boldy, - dep habarlaidy "Ult aqparat" ShQO prokýratýrasynyń baspasóz qyzmetine silteme jasap.
Prokýratýra ókilderiniń aitýynsha, 4 sáýirde Gúljan Máýithan Qytaidan Qazaqstanǵa repatriant retinde kelip, Maiqapshaǵai keden beketinde toqtatylǵan. Áieldiń alyp kelgen 40 myń dollary tirkelmegen.
Keiin Máýithan bul qarajattyń qaidan shyqqanyn Qytaidaǵy úiin satqanda alyp, Astanadan úi alǵysy kelgendigimen túsindirgen. Áiel aqshalai qarajatty shekaradan ótkizý erejesin bilmegen. Saldarynan "Ekonomikalyq kontrabanda" baby boiynsha sotaldy tergeý bastalǵan.
Zaisan aýdandyq soty Máýithandy kináli dep tanyp, 40 myń dollar qarajatyn memleket paidasyna tárkileý týraly sheshim shyǵarǵan. Apelliatsiialyq instatsiiada sot óndirisiniń tili týraly norma buzylǵandyqtan bul sheshimniń kúshi joiylǵan.
"ShQO prokýratýrasy bul istiń mán-jaiyn túbegeili zerttedi. Baqylaý organy Máýithannyń áreketinde qylmys quramy joq degen qorytyndyǵy keldi. Mundai sheshim Máýithannyń QHR-dan jasyryn aqsha shyǵarǵysy kelmegendiginen qabyldandy. Áieldiń maqsaty - otanǵa oralý. Máýithan kóp ýaqyt boiy aqsha jinap, bar múlkin satyp, oralman statýsyn alǵan, al shekaradan ótken kezde ekonomikalyq qylmys jasady degen kúdikpen ustalyp, aqshasy tárkilengen. Bul jaǵdaida qylmystyq jaýapkershilikke tartý ádildik printsipine jatpaidy", - dedi oblys prokýratýrasynyń baspasóz qyzmetindegiler.
