قىتايدان كەلگەن قازاق ەيەل گٷلجان مەۋٸتحان كەدەن بەكەتٸندە تەركٸلەنگەن 40 مىڭ دوللارىن قايتارىپ الاتىن بولدى, - دەپ حابارلايدى "ۇلت اقپارات" شقو پروكۋراتۋراسىنىڭ باسپاسٶز قىزمەتٸنە سٸلتەمە جاساپ.
پروكۋراتۋرا ٶكٸلدەرٸنٸڭ ايتۋىنشا, 4 سەۋٸردە گٷلجان مەۋٸتحان قىتايدان قازاقستانعا رەپاتريانت رەتٸندە كەلٸپ, مايقاپشاعاي كەدەن بەكەتٸندە توقتاتىلعان. ەيەلدٸڭ الىپ كەلگەن 40 مىڭ دوللارى تٸركەلمەگەن.
كەيٸن مەۋٸتحان بۇل قاراجاتتىڭ قايدان شىققانىن قىتايداعى ٷيٸن ساتقاندا الىپ, استانادان ٷي العىسى كەلگەندٸگٸمەن تٷسٸندٸرگەن. ەيەل اقشالاي قاراجاتتى شەكارادان ٶتكٸزۋ ەرەجەسٸن بٸلمەگەن. سالدارىنان "ەكونوميكالىق كونتراباندا" بابى بويىنشا سوتالدى تەرگەۋ باستالعان.
زايسان اۋداندىق سوتى مەۋٸتحاندى كٸنەلٸ دەپ تانىپ, 40 مىڭ دوللار قاراجاتىن مەملەكەت پايداسىنا تەركٸلەۋ تۋرالى شەشٸم شىعارعان. اپەللياتسييالىق ينستاتسييادا سوت ٶندٸرٸسٸنٸڭ تٸلٸ تۋرالى نورما بۇزىلعاندىقتان بۇل شەشٸمنٸڭ كٷشٸ جويىلعان.
"شقو پروكۋراتۋراسى بۇل ٸستٸڭ مەن-جايىن تٷبەگەيلٸ زەرتتەدٸ. باقىلاۋ ورگانى مەۋٸتحاننىڭ ەرەكەتٸندە قىلمىس قۇرامى جوق دەگەن قورىتىندىعى كەلدٸ. مۇنداي شەشٸم مەۋٸتحاننىڭ قحر-دان جاسىرىن اقشا شىعارعىسى كەلمەگەندٸگٸنەن قابىلداندى. ەيەلدٸڭ ماقساتى - وتانعا ورالۋ. مەۋٸتحان كٶپ ۋاقىت بويى اقشا جيناپ, بار مٷلكٸن ساتىپ, ورالمان ستاتۋسىن العان, ال شەكارادان ٶتكەن كەزدە ەكونوميكالىق قىلمىس جاسادى دەگەن كٷدٸكپەن ۇستالىپ, اقشاسى تەركٸلەنگەن. بۇل جاعدايدا قىلمىستىق جاۋاپكەرشٸلٸككە تارتۋ ەدٸلدٸك پرينتسيپٸنە جاتپايدى", - دەدٸ وبلىس پروكۋراتۋراسىنىڭ باسپاسٶز قىزمەتٸندەگٸلەر.
