Qazaqstan men Qytai arasynda taǵy bir jolaýshylar poiyzy júredi, dep habarlaidy "Ult aqparat".
"Qazaqstan Temirjoly" kompaniiasynyń habarlaýynsha, "Jolaýshylar tasymaly" basshylary jáne Sian qalasy úkimetiniń delegatsiiasy qyzmettik kezdesý barysynda Sian qalasynan Almatyǵa halyqaralyq týristik jolaýshylar poiyzyn iske qosýdy uiymdastyrý máselelerin talqylady.
Týristik poiyzdyń júrýi "Úrimshi – Almaty-2" qatynasyndaǵy №103/104 jolaýshylar poiyzynyń kestesi boiynsha Qorǵas-Altynkól shekaralyq ótkeli arqyly júzege asyrylady.
Poiyz Almaty-2 stantsiiasynda birneshe kún bolady. Osy ýaqyt ishinde qazaqstandyq tarap jolaýshylar úshin temirjol vokzalynda qaýipsizdik sharalaryn qamtamasyz etip, mádeni sharalardy uiymdastyrýǵa járdemdesetin bolady.
Aita keteiik, buǵan deiin Qazaqstanǵa qytailyq avtokólikterdiń importy artyp jatqany týraly habarlaǵan edik. Biyl qańtar men aqpan ailarynda elimizge Qytaidan 10,1 myń avtokólik ákelingen. 2023 jyldyń osy ailarymen salystyrǵanda bul kórsetkish eki ese kóp.
.jpeg)