QR Syrtqy ister ministri Muhtar Tileýberdi Qytai aýmaǵynda qalǵan Qazaqstan azamattary týraly aityp berdi, dep habarlaidy "Ult aqparat".
«Erteń Ýhannan eki azamat elge oralady. Ýkrainanyń ushaǵy bar, olar ózderiniń azamattaryn alyp ketýge barǵanda , bizdiń eki azamatymyzdy da qosa ala keledi. Osy oraida Almatyda tehnikalyq aialdap, bizdiń azamattardy túsirip, ary qarai Kievke ushady», - dedi M. Tileýberdi Parlament Májilisinde tilshiler saýalyna jaýap bere otyryp.
Sonymen qatar ministr QHR aýmaǵynda qyzmet etip júrgen Qazaqstan diplomattary týraly aityp berdi.
«Olardyń otbasylaryn evakýatsiialadyq. Onda tek otaǵasymen birge qalýǵa niet bildirgen otbasylar ǵana qaldy. Atap aitqanda, diplomattar, barlyq mekemeler shtattyq rejimde jumys isteýde», - dep naqtylady vedomstvo basshysy.
