قر سىرتقى ٸستەر مينيسترٸ مۇحتار تٸلەۋبەردٸ قىتاي اۋماعىندا قالعان قازاقستان ازاماتتارى تۋرالى ايتىپ بەردٸ, دەپ حابارلايدى "ۇلت اقپارات".
«ەرتەڭ ۋحاننان ەكٸ ازامات ەلگە ورالادى. ۋكراينانىڭ ۇشاعى بار, ولار ٶزدەرٸنٸڭ ازاماتتارىن الىپ كەتۋگە بارعاندا , بٸزدٸڭ ەكٸ ازاماتىمىزدى دا قوسا الا كەلەدٸ. وسى ورايدا الماتىدا تەحنيكالىق ايالداپ, بٸزدٸڭ ازاماتتاردى تٷسٸرٸپ, ارى قاراي كيەۆكە ۇشادى», - دەدٸ م. تٸلەۋبەردٸ پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
سونىمەن قاتار مينيستر قحر اۋماعىندا قىزمەت ەتٸپ جٷرگەن قازاقستان ديپلوماتتارى تۋرالى ايتىپ بەردٸ.
«ولاردىڭ وتباسىلارىن ەۆاكۋاتسييالادىق. وندا تەك وتاعاسىمەن بٸرگە قالۋعا نيەت بٸلدٸرگەن وتباسىلار عانا قالدى. اتاپ ايتقاندا, ديپلوماتتار, بارلىق مەكەمەلەر شتاتتىق رەجٸمدە جۇمىس ٸستەۋدە», - دەپ ناقتىلادى ۆەدومستۆو باسشىسى.
