Qytaida uzaqqa sozylǵan karantin saldarynan álem boiynsha energiiaǵa suranystyń artýy, AQSh-ta paiyzdyq stavkalardyń ósýi munai baǵasynyń 5%-dan astam tómendeýine yqpal etti, dep habarlaidy QazAqparat Investing.com saityna silteme jasap.
Munai baǵasy eki aptada ekinshi ret barreline 100 dollardan tómen tústi. Bul jaǵdai Reseige qarsy sanktsiialar men OPEK-tiń munai naryǵyn baqylaý áreketinen týyndaǵan qubylmalylyqqa qaramastan oryn alyp otyr.
Londonda saýdalanyp otyrǵan Brent markaly munai etalony dúisenbi kúni saǵat 12:15-te barreline $100,06-ǵa deiin 6,09 dollarǵa nemese 5,7%-ǵa arzandady. Onyń baǵasy ótken aptada tómendei bastap, 4,5%-dy qurady.
Ýkrainadaǵy áskeri áreketterden keiin eki aptadan soń, iaǵni 7 naýryzda 139,15 dollarǵa kóterildi jáne bul munai ósiminiń eń joǵarǵy kórsetkishi retinde tirkeldi. Búgingi munai baǵasy osy ósimnen keiingi eń tómen kórsetkish bolyp otyr.
Niý-Iorkte WTI markaly munai baǵasy 5,91 dollarǵa nemese 5,8%-ǵa arzandap, 96,16 dollardy qurady. Brent siiaqty, WTI markasy da ótken aptada 4,5% tómendep, bir aida 4% joǵaltty. 7 naýryzda WTI markaly munai baǵasy 130,50 dollarǵa deiin kóterilgen.
Munaidyń eki markasy da ótken aptada shamamen 5% tómendegennen keiin eń tómengi jabylý deńgeige jaqyn boldy. Baǵa naýryzdyń basynda 2008 jyldan bergi eń joǵary deńgeiden shamamen 25%-ǵa tómendedi.
Eki apta buryn Batystyń Resei munaiyna salǵan sanktsiialary munaidyń jalǵyz iri faktory bolǵan. Biraq Qytaidaǵy koronavirýspen bailanysty jaǵdai álemdegi eń iri munai importtaýshynyń mobildiligin shektep, munai naryǵyna teris áser ákeldi.
Qytai – álemdegi eń iri munai importtaýshy el, biraq Shanhaidaǵy tórtinshi aptaǵa sozylǵan karantin men oǵan qosa AQSh dollarynyń kóterilýi energetiia tasymaldaýshylarǵa qysym jasap, munai baǵasynyń biylǵy eń joǵary $140 deńgeiine qaita oralý yqtimaldyǵyn tómendetip otyr.
