Osymen tórtinshi jyl Qytai túrmesinde jazasyn ótep jatqan Aqjarqyn Turlybai qazir frantsýz tilin úirenip jatyr. Bul týraly búgin syrtqy ister ministrligi baspasóz qyzmetiniń jetekshisi Aibek Smadiiarov málimdedi, dep habarlaidy Sputnik Qazaqstan tilshisi.
"Onyń jaǵdaiy jaqsy, ádettegidei bizdiń konsýl oǵan jii baryp turady. Kitap, tamaq, suraǵan nársesiniń barlyǵyn aparady. Qazir ol frantsýz, aǵylshyn tilderin oqyp jatyr. Sosyn qasyndaǵy Qytai azamattaryna aǵylshyn tilin úiretip júr. Ózi qytai tilin jetik meńgerýde", — dedi Smadiiarov apta saiynǵy brifingte.
Ministrlik ókili Aqjarqynnyń isine qatysty esh ózgeris joq ekenin aitty.
"Qytai sotynyń sheshimin kútip otyrmyz. Qytai sotynyń otyrysy áli ótken joq", — dedi ol.
Eske sala ketsek, Aqjarqyn Turlybai 2014 jyldyń naýryzynda esirtki tasymaldady degen kúdikpen Gýanchjoý qalasynyń áýejaiynda ustalǵan bolatyn. Ol kezde otandasymyz 20 jasta boldy. 2015 jyldyń maýsymynda Qytai soty ony ómir boiyna bas bostandyǵynan aiyrdy. Sotta Aqjarqyn sheteldik dosy aldap ketkenin aityp, kinásin moiyndaǵan joq.
Keiin apelliatsiialyq instantsiia soty ómir boiyna bas bostandyǵynan aiyrý týraly úkimdi joidy.
2016 jyldyń qarashasynda Turlybaidyń isi boiynsha apelliatsiialyq tyńdaý ótti.
