Qytai qalalarynyń birinde jergilikti bilik Rojdestvony toilatýǵa tyiym saldy. Endi Lanfanda rojdestvolyq shyrshalar, santa-klaýstar men merekelik basqa da sývenirlermen kósheni sándeýge bolmaidy. Bul jóninde Today.kz portaly habarlaidy.
Hebei provintsiiasyndaǵy Lanfan qalasynyń biligi Rojdestvony toilaýǵa, iaǵni, merekelik atribýtakiny qoldanýǵa, jappai satylymdar ótkizýge, kóshede qoiylymdar uiymdastyrýǵa jáne «Rojdestvo qurmetine qandai da bir sharalar ótkizýge» tyiym saldy.
Kóshelerge rojdestvolyq shyrsha, santa-klaýstar men merekelik túrli oiynshyqtardy qoiýǵa ruqsat bolmaǵandyqtan, qala turǵyndary óz terezelerinen barlyq osy tektes zattardy alyp tastaýy kerek.
Qala biligi, sondai-aq, 23-25 jeltoqsan aralyǵynda quqyq qorǵaý organdarynyń barlyq shtaty kóshe men qoǵamdyq oryndardaǵy tártipti baqylaý úshin jumys oryndarynda bolýyn talap etti.
Aita ketý kerek, katoliktik mereke sanalatyn Rojdestvo Qytaida resmi túrde toilanbaitynyna qaramastan, rojdestvolyq atribýtika Beijiń men qytailyq basqa da iri qalalarda tyiym salynbai kelgen qubylys bolatyn.
