قىتاي قالالارىنىڭ بٸرٸندە جەرگٸلٸكتٸ بيلٸك روجدەستۆونى تويلاتۋعا تىيىم سالدى. ەندٸ لانفاندا روجدەستۆولىق شىرشالار, سانتا-كلاۋستار مەن مەرەكەلٸك باسقا دا سۋۆەنيرلەرمەن كٶشەنٸ سەندەۋگە بولمايدى. بۇل جٶنٸندە Today.kz پورتالى حابارلايدى.
حەبەي پروۆينتسيياسىنداعى لانفان قالاسىنىڭ بيلٸگٸ روجدەستۆونى تويلاۋعا, ياعني, مەرەكەلٸك اتريبۋتاكينى قولدانۋعا, جاپپاي ساتىلىمدار ٶتكٸزۋگە, كٶشەدە قويىلىمدار ۇيىمداستىرۋعا جەنە «روجدەستۆو قۇرمەتٸنە قانداي دا بٸر شارالار ٶتكٸزۋگە» تىيىم سالدى.
كٶشەلەرگە روجدەستۆولىق شىرشا, سانتا-كلاۋستار مەن مەرەكەلٸك تٷرلٸ ويىنشىقتاردى قويۋعا رۇقسات بولماعاندىقتان, قالا تۇرعىندارى ٶز تەرەزەلەرٸنەن بارلىق وسى تەكتەس زاتتاردى الىپ تاستاۋى كەرەك.
قالا بيلٸگٸ, سونداي-اق, 23-25 جەلتوقسان ارالىعىندا قۇقىق قورعاۋ ورگاندارىنىڭ بارلىق شتاتى كٶشە مەن قوعامدىق ورىندارداعى تەرتٸپتٸ باقىلاۋ ٷشٸن جۇمىس ورىندارىندا بولۋىن تالاپ ەتتٸ.
ايتا كەتۋ كەرەك, كاتوليكتٸك مەرەكە سانالاتىن روجدەستۆو قىتايدا رەسمي تٷردە تويلانبايتىنىنا قاراماستان, روجدەستۆولىق اتريبۋتيكا بەيجٸڭ مەن قىتايلىق باسقا دا ٸرٸ قالالاردا تىيىم سالىنباي كەلگەن قۇبىلىس بولاتىن.
