Qytaida 4 sáýir jańa koronavirýs infektsiiasy pandemiiasynan kóz jumǵandardy jalpyulttyq aza tutý kúni bolyp jariialandy. Mundai sheshimdi QHR Memlekettik keńesi qabyldady, dep habarlaidy «Sinhýa» agenttigi.
Senbi kúni jergilikti ýaqyt boiysha saǵat 10:00-den bastap úsh minýt boiy Qytai halqy qaitys bolǵandardy únsizdikpen eske alady. Elde barlyq týlar tómen túsirilip, qoǵamdyq kóńil kóterý sharalary toqtatylady. Sondai-aq avtokólikter, poiyzdar men kemelerdiń dybys belgilerin beredi, sirenanyń daýsy estilip turady.
Ótken táýlikte Qytaidyń qurlyqtaǵy bóliginde 4 adam koronavirýstan kóz jumdy, aýrý juqtyrǵandar sany 31 adamǵa artqan, taǵy 163 adam emdelip shyqty, dep habarlady QHR Densaýlyq saqtaý isteri jónindegi memlekettik komiteti.
Buǵan deiin habarlaǵandai, 1 sáýirden bastap Qytaidyń meditsina biligi eldegi koronavirýstyq jaǵdaidyń kúndelikti biýlletenine aýrý belgileri joq infektsiialar engize bastady.
«2020 jylǵy 2 sáýirdegi jaǵdai boiynsha Qytaidyń qurlyqtaǵy bóliginde koronavirýstyń 60 aýrý belgileri joq jańa jaǵdaiy tirkelgen, onyń ishinde 7-ýi syrttan ákelingen. Qazirgi ýaqytta meditsinalyq baqylaýda 1027 aýrý simptomdary joq naýqas bar», - delingen juma kúni jariialanǵan vedomstvo biýlleteninde.
Sońǵy resii derekter boiynsha, qurlyqtyq Qytaida koronavirýs juqtyrǵandardyń jalpy sany 81, 6 myń adamǵa jetti, olardyń 76,5 myńy saýyǵyp shyqsa, 3322-si kóz jumǵan.
