Foto: Sinhýa
Qytai seisenbi kúni «Chanchjen-6B» (Long March-6S) modifikatsiialy zymyran tasyǵyshyn alǵash ret ushyrdy dep habarlaidy "Ult Aqparat" NEGE portalyna silteme jeasap.
Ol ǵaryshqa tórt jer serigin alyp shyqty. Bul týraly WeChat áleýmettik jelisinde Qytai aeroǵaryshtyq ǵylymi-tehnikalyq korporatsiiasynyń (CASC) paraqshasynda aityldy.
Zymyran tasyǵysh seisenbi kúni Beijiń ýaqytymen saǵat 11:21-de Qytai soltústiginiń Shansi provintsiiasyndaǵy Taiiýan spýtniktik ushyrý ortalyǵynan Neptune-01 jáne Smart-1C jerserikterin, sondai-aq keń jolaqty optikalyq jerserikti jáne joǵary ajyratymdylyqtaǵy beinespýtnikti josparlanǵan orbitaǵa alyp shyqty.
Eki satyly zymyran tasyǵyshtyń diametri 3,35 metr, ony suiyq ottegi men kerosinmen jumys isteitin úsh qozǵaltqysh basqarady.
Jalpy ushyp kóterilý salmaǵy 215 tonna bolatyn zymyran 500 shaqyrym biiktiktegi geostatsionarlyq ótpeli orbitasyna jalpy salmaǵy shamamen 2,4 tonna ǵarysh apparatyn shyǵarýǵa qabiletti.
Jańa zymyrannyń zertteýleri men ázirlenýleri 2020 jyldyń basynda bastaldy. Bul model negizinen shaǵyn jáne orta spýtnikterdi orbitaǵa aparatyn kommertsiialyq ǵarysh kásiporyndarynda qoldanylady.
Búginde elde Long March seriialy zymyrandardyń 20-dan astam túri jasalyp, ushyryldy.
Long March zymyrandary – Qytai ǵaryshtyq baǵdarlamalarynyń negizi. Bul Long March tasymaldaýshysynyń 520-shy ushyrýy.
.jpg)