Foto: ashyq derekkóz
Qyrkúiek aiynda Qazaqstanda álemge áigili ánshi Dimash Qudaibergen atqarýshy prodiýserlik etetin aýqymdy mýzykalyq realiti-shoýdyń túsirilimi bastalady. Joba Qytaidyń Hunan Broadcasting System telearnasymen birlesip júzege asyrylýda, dep habarlaidy Ult.kz.
210 millionnan astam kórermeni bar Hunan TV men Mango TV platformasy arqyly kórsetiletin baǵdarlama Qazaqstannyń 6 týristik óńirinde túsiriledi.
Dimash araǵa on jyl salyp, alǵash ret ózin álemge tanytqan qytailyq telearnanyń efirine qaita oralady. Buǵan deiin ol Hunan TV-daǵy Singer jobasy arqyly halyqaralyq deńgeide tanylǵan bolatyn. Bul joly ánshi jańa qyrynan – joba bastamashysy ári prodiýser retinde kórinedi.
«Bul joba Qazaqstan men Qytaidyń mádeni yntymaqtastyǵynyń jańa belesi bolmaq. Maǵan elimizdiń mýzykasyn, tabiǵatyn, qonaqjailyǵyn álemge tanystyrý mańyzdy. Biz ártúrli eldiń ónerpazdaryn biriktirip, ónerdiń shekarasyz ekenin taǵy dáleldeimiz», – dedi Dimash Qudaibergen.
Baǵdarlamaǵa Qytai, Qazaqstan, Qyrǵyzstan, Italiia, Malaiziia jáne Serbiiadan kelgen ánshiler qatysady. Olar elimizdiń kórikti óńirlerin aralap, shyǵarmashylyq temirjol saparyna shyǵady.
Túsirilim Almaty, Aqmola, Túrkistan, Mańǵystaý oblystarynda jáne Almaty qalasynda ótedi. Finaldyq kezeń elordada uiymdastyrylady. Negizgi lokatsiialar qatarynda Sharyn shatqaly, Bozjyra shatqaly jáne ulttyq parkter bar.
Jobanyń premerasy kelesi jyly Hunan TV arnasynda jáne Mango TV platformasynda kórsetiledi. Sondai-aq, Qazaqstannyń da bir telearnasynan efirge shyǵýy josparlanǵan.
Bul bastamaǵa Týrizm jáne sport ministrligi, Mádeniet jáne aqparat ministrligi, jergilikti ákimdikter men Kazakh Tourism kompaniiasy qoldaý kórsetýde.
Memleket basshysy Qasym-Jomart Toqaev Joldaýynda atap ótkendei, sheteldik týristerdi tartý – basty mindetterdiń biri. Dimashtyń jańa jobasy osy maqsatqa qyzmet etip, Qazaqstannyń týristik tartymdylyǵyn álemdik arenada tanytýǵa jol ashady.
