Qazaqstanda 10 qańtar kúni Parlamenttiń tómengi palatasy depýtattarynyń sailaýy sátti ótti.
Osyǵan bailanysty Qytai tarapy Qazaqstandy quttyqtaidy jáne ádettegidei ekijaqty qarym-qatynasty damytýǵa múddeli. Dúisenbi kúni QHR SIM ókili Chjao Litszian osyndai málimdeme jasady.
«10 qańtar kúni Parlamenttiń tómengi palata depýtattarynyń sailaýy sátti ótti. Qytai Qazaqstandy quttyqtaidy», - dedi QHR SIM-niń ókili.
«Qazaqstan ulttyq damý men qurylys salasynda biik mejelerdi baǵyndyratynyna senimdimiz», - dep qosty diplomat.
Chjao Litsziannyń sózinshe, Qazaqstan men Qytai - tatý kórshi, túrli salalar boiynsha strategiialyq áriptes.
«Qytai Qazaqstanmen birlesip, ekijaqty qarym-qatynastardy úzdiksiz damytý isine úles qosýǵa daiyn», - dedi ol
