Beisenbide BUU Qaýipsizdik Keńesinde zymyran synaqtaryn júrgizgeni úshin Soltústik Koreiaǵa qarsy qatań sanktsiialar engizýge Qytai men Resei qarsy shyqty. Bul usynysqa AQSh bastamashylyq etken bolatyn, dep habarlaidy QazAqparat The Hill-ge silteme jasap.
BUU-daǵy Qytai elshisi Chjan Tsziýn AQSh-tyń sanktsiialardan basqa usynystardy qarastyrýdan bas tartýyna bailanysty atalǵan rezoliýtsiia jobasy qabyldanbaǵanyn aitty.
Óz kezeginde Resei men Qytai kerisinshe Soltústik Koreiaǵa qarsy sanktsiialardy jeńildetetin rezoliýtsiia usyndy. Olardyń paiymynsha, ashtyq pen koronavirýstyń órshýine bailanysty KHDR gýmanitarlyq problemaǵa dýshar boldy. Alaida amerikalyq tarap bul usynysty qoldamady.
Eger AQSh-tyń usynysy qoldaý tapsa, BUU 2017 jyldan beri alǵash ret Soltústik Koreiaǵa qatysty sanktsiiany qatańdatqan bolar edi.
