بەيسەنبٸدە بۇۇ قاۋٸپسٸزدٸك كەڭەسٸندە زىمىران سىناقتارىن جٷرگٸزگەنٸ ٷشٸن سولتٷستٸك كورەياعا قارسى قاتاڭ سانكتسييالار ەنگٸزۋگە قىتاي مەن رەسەي قارسى شىقتى. بۇل ۇسىنىسقا اقش باستاماشىلىق ەتكەن بولاتىن, دەپ حابارلايدى قازاقپارات The Hill-گە سٸلتەمە جاساپ.
بۇۇ-داعى قىتاي ەلشٸسٸ چجان تسزيۋن اقش-تىڭ سانكتسييالاردان باسقا ۇسىنىستاردى قاراستىرۋدان باس تارتۋىنا بايلانىستى اتالعان رەزوليۋتسييا جوباسى قابىلدانباعانىن ايتتى.
ٶز كەزەگٸندە رەسەي مەن قىتاي كەرٸسٸنشە سولتٷستٸك كورەياعا قارسى سانكتسييالاردى جەڭٸلدەتەتٸن رەزوليۋتسييا ۇسىندى. ولاردىڭ پايىمىنشا, اشتىق پەن كوروناۆيرۋستىڭ ٶرشۋٸنە بايلانىستى كحدر گۋمانيتارلىق پروبلەماعا دۋشار بولدى. الايدا امەريكالىق تاراپ بۇل ۇسىنىستى قولدامادى.
ەگەر اقش-تىڭ ۇسىنىسى قولداۋ تاپسا, بۇۇ 2017 جىلدان بەرٸ العاش رەت سولتٷستٸك كورەياعا قاتىستى سانكتسييانى قاتاڭداتقان بولار ەدٸ.
