Qazaqstan men Qytai Eýraziia keńistiginde tiimdiligi joǵary jáne yńǵaily mýltimodaldy kólik arteriiasyn qurý boiynsha belsendi jumys isteýde. Qytai Halyq Respýblikasynyń Tóraǵasy Si Tszinpin «Kazahstanskaia pravda» gazetinde jariialanǵan maqalasynda kólik salasyndaǵy yntymaqtastyqty damytý týraly baiandady, dep habarlaidy QazAqparat.
«30 jyl – infraqurylymdyq ózara bailanysty aitarlyqtai nyǵaitatyn kezeń. Avtokólik, temirjol, aviatsiialyq tasymaldar men qubyr jelisin qamtityn kópvektorly jáne mýltimodaldy infraqurylym jelisi qalyptasyp keledi. Qazirgi ýaqytta Qytai men Qazaqstan Eýraziianyń keń baitaq keńistiginde tiimdiligi joǵary jáne yńǵaily mýltimodaldy kólik arteriiasyn qurý boiynsha belsendi jumys isteýde. Bizdiń memleketter arasyndaǵy barlyq 5 avtokólik ótkizý pýnkti men 2 temirjol ótkizý pýnkti qalypty rejimde jumys istei bastady», - dep jazdy Si Tszinpin.
Sondai-aq QHR Tóraǵasynyń aqparaty boiynsha, qos tarap jańa temirjol ótkizý pýnktin ashý múmkindigin belsendi talqylap jatyr.
«Qytai men Qazaqstannyń Lianiýngan logistikalyq terminaly qazaqstandyq taýarlar úshin teńizge shyǵýǵa jol ashady. Qazaqstan arqyly tranzitpen ótetin «Qytai – Eýropa» júk poiyzdary jetkizý baǵyttaryn ártaraptandyrýǵa yqpal etedi jáne jahandyq jetkizý tizbekteri men óndiristerdiń úzdiksiz júrýinde mańyzdy ról atqarady», - deidi QHR Tóraǵasy.
Buǵan deiin Aqorda Prezident Qasym-Jomart Toqaevtyń shaqyrýymen 14 qyrkúiek kúni elimizge Qytai Halyq Respýblikasynyń Tóraǵasy Si Tszinpin memlekettik saparmen keletinin habarlaǵan edi.
Resmi aqparatqa sáikes, Qazaqstan men Qytai basshylary qazaq-qytai strategiialyq seriktestigin jan-jaqty nyǵaitýdyń perspektivalaryn talqylaidy. Kelissózderden keiin birqatar ekijaqty qujatqa qol qoiý josparlanyp otyr.
