.png)
Foto: Uiymdastyrýshylardan
Beisenbi, 15 mamyrda Qytaidyń Qazaqstandaǵy elshiligi elshilik zalynda kino kórsetilim ótkizdi, dep habarlaidy Ult.kz.
Onda elshilik basshylary men qazaqstandyq joǵary oqý oryndary, kolledjderdiń jas diplomattary jáne jastar ókilderi Dúniejúzilik antifashistik soǵystaǵy Jeńistiń 80 jyldyǵyna arnalǵan "Kompozitor" filmin tamashalady.
Kino kórsetilimde Qytaidyń Qazaqstandaǵy elshisi Han Chýnlin sóz sóilep, Qazaqstan men Qytai elderiniń dostyǵy, ózara bailanysy men birligi týrady aita kele, kórsetilgen filmge toqtaldy.
Foto: Uiymdastyrýshylardan
"2013 jyly Qazaqstandaǵy memlekettik sapary barysynda QHR Tóraǵasy Si Tszinpin Nazarbaev ýniversitetinde sóz sóilep, onda Qytai mýzykanty Sian Sinhai men qazaqstandyq mýzykant Baiqadamov arasyndaǵy áserli dostyqty atap ótti. Sian Sinhai Qytaida halyq mýzykanty retinde tanymal. Onyń eń tanymal týyndysy - Kantata Hýanhe ózeni - Qytai halqyn japon basqynshylaryna qarsy batyl kúresýge shaqyrdy. Ol Qytai mýzyka tarihyna óshpes iz qaltyrdy", - deidi elshi.
Aita keteiik, ótken ǵasyrdyń 40-jyldarynda soǵys Qytai mýzykantynyń otanyna oralýyna kedergi bolyp, Sian Sinhai Almatyda evakýatsiiada qalǵan. Aýrý men ashtyq jaǵdaiyndaǵy Sian Sinhaiǵa qazaqstandyq tanymal kompozitor Baqytjan Baiqadamov kómekke keldi. Ol onymen bir úzim nandy bólip jep, baspana taýyp beredi. Sóitip, eki kompozitor bir-birin tanyp bilip, jaqyn dosqa ainalady. Osy ýaqyt ishinde Sian Sinhai qazaq batyry Amangeldiniń erligi negizinde simfoniialyq poema jazady. Bul týyndy elge antifashistik nasihat retinde áser etip, halyq arasynda keńinen tanymal boldy. Baqytjan Baiqadamov pen Sian Sinhai arasyndaǵy berik dostyqqa qurmet retinde Almatyda bir-birine parallel jatqan eki kóshe Sian Sinhai jáne Baiqodomov kóshesi dep ataldy. Sonymen qatar osy oqiǵadan Qytai men Qazaqstan kinematografisteri shabyttanyp, kórkem film túsirip, úlken ekranǵa shyǵardy.
Foto: Kazahfilm
"Kompozitor" filmi Qytai men Qazaqstannyń alǵashqy birlesken filmi. Sondai-aq bir beldeý - bir jol boiyndaǵy elder arasynda birlesken filmder túsirý tarihyn ashty. 2018 jyldyń maýsym aiynda Qytai men Qazaqstan basshylary halyqtyq jinalys úiinde túsirilim tobyn qabyldady jáne barlyq ókilder osy filmniń treilerin birge tamashalady. Tóraǵa Si Tszinpin atap ótkendei, Sian Sinhai - Qytaidyń jańa tarihyndaǵy eń uly mýzykant, biraq onyń Qazaqstandaǵy tarihyn kóp adam bile bermeidi. Bul film óte mańyzdy. Bul beimálim oqiǵany keńinen tanymal etý kerek! 2019 jyly Qytai men Qazaqstanda osy filmniń premerasy ótti. Film 9-shy Beijiń Halyqaralyq kinofestivaliniń ashylý saltanatynda kórsetilgen alǵashqy film retinde tańdaldy jáne kóptegen marapattarǵa ie boldy. Sonyń ishinde 18-shi qytailyq "Hýabiao" kinosynyń kórnekti kórkem filmi jáne 15-shi Qytai-Amerika kinofestivaliniń "Altyn Perishte" syilyǵyna ie boldy", - deidi Han Chýnlin.
Filmdi 100-ge jýyq adam tamashalap, jyly qabyldady.
