Astana Memlekettik qyzmet haby Basqarýshy komiteti tóraǵasy Alihan Baimenov pen Qytai ulttyq memlekettik basqarý akademiiasy atqarýshy Vitse-prezidenti Si Chýntao ekijaqty yntymaqtastyq máselelerin talqylady.
Kezdesýge QHR-nyń Qazaqstandaǵy Tótenshe jáne Ókiletti Elshisi Chjan Siao, QKP Ortalyq komiteti men Qytai ulttyq memlekettik basqarý akademiiasy ókilderi qatysty.
Kezdesýde Alihan Baimenov «qai zamanda da sanalýandyq adamzat órkenieti damýynyń sheshýshi faktory boldy. Sonymen qatar, dialog pen yntymaqtastyq damýǵa árqashan jańa serpin berdi», - dedi. Onyń aitýynsha, Qytai teń quryltaishylarynyń biri retinde Habtyń bastamalaryna belsendi aralasyp, qoldaý kórsetip keledi.
Si Chýntao ótken jyldyń qarasha aiynda Beijińde ótken «Órkeniet dástúrleri jáne modernizatsiia joly» Forýmy men sol forým aiasynda qurylǵan Qytai-Ortalyq Aziia memlekettik basqarý akademiialary jelisi Qytai jáne Ortalyq Aziia elderiniń Siandaǵy kóshbasshylar sammitinde qabyldaǵan sheshimderdi iske asyrýynyń alǵashqy tetikteriniń biri bolǵanyn atap aitty.
Ol Qytai ulttyq akademiiasy Astana memlekettik qyzmet habymen jáne tiisti institýttarmen yntymaqtastyqty nyǵaitýǵa daiyn ekenin jetkizdi. Yntymaqtastyq aiasynda biyl is-shara ótkizý josparlanýda, osyǵan orai Qytaida ótetin Memlekettik basqarý forýmyna shaqyrdy.
Alihan Baimenov te Jeliniń áleýetin tolyqqandy iske asyrý úshin birqatar naqty birlesken joba usyndy. Habtyń praktikter aliansyn qurý salasyndaǵy tabysty tájiribesin eskere otyryp, akademiialarda «teń teńimen» qaǵidaty negizinde turaqty tájiribe men bilim almasý úshin oqý baǵdarlamalaryn ázirleýge jaýaptylar arasynda praktikter Aliansyn qurý usynyldy.
Sonymen qatar, arnaiy zertteýler jasaý jáne Qytai tájiribesi negizinde keis-stadi jasaý ári Jelige qatysýshy elder ǵalymdarynyń maqalalaryn jariialaý úshin Hab jýrnalynda arnaiy aidar ashý da sóz boldy.
Qytai tarapy aimaqta jáne odan tys jerlerde memlekettik basqarý akademiialarynyń Qytai-Ortalyq Aziia jelisiniń qyzmetin keńeitýdegi yntymaqtastyq dinamikasy men Hab platformasynyń áleýetin joǵary baǵalady. Kezdesýge qatysýshylar birlesken bastamalardy iske asyrý jóninde yntymaqtastyqty jalǵastyrýǵa daiyn ekenin bildirdi.
2023 jyly Memlekettik basqarý akademiialarynyń Qytai-Ortalyq Aziia jelisin qurý týraly kelisimge qol qoiyldy. Onyń quramyna Habty qosa alǵanda alty eldiń (Qytai, Qazaqstan, Qyrǵyzstan, Ózbekstan, Tájikstan jáne Túrikmenstan) memlekettik mekemeleri kirdi. Jeliniń maqsaty – kadrlardy daiarlaý jáne qaita daiarlaý máselesimen qatar, memlekettik basqarýdy transformatsiialaý salasynda tájiribe men bilim almasý.
