Cońǵy táýlikterde Qytaidyń Tiantszin jáne Shanhai siiaqty megapolisinde 8 koronavirýs juqtyrý jaǵdaiy tirkeldi, dep jazady "Ult aqparat" QHR Densaýlyq saqtaý jáne gigiena jónindegi memlekettik komitetiniń málimdemesine silteme jasap.
Aǵymdaǵy jyldyń 24 qarashasyndaǵy jaǵdai boiynsha Qytaida koronavirýsty juqtyrýdyń 16 jaǵdaiy rastalǵan, onyń ishinde Shanhaida – 11 (shetelde juqtyrylǵany - 9, jergilikti - 2), Tiantszinde – 5 (barlyǵy jergilikti).
Tiantszin qalasynyń jańa Binhai aýdanynyń barlyq turǵyny senbiden bastap 2-3 kún ishinde koronavirýstyń nýklein qyshqyldaryna tekseriledi. Qytai megapolisiniń shaǵyn aýdany epidemiologiialyq qaýpi joǵary aýdandar sanatyna aýystyryldy.
Sonymen qatar Shyńjań-Uiǵyr avtonomiialyq aýdanynyń (ShUAA) Qashǵar okrýginde ótken táýlikte jańa aýrýdyń birde-bir jaǵdaiy tirkelgen joq. Koronavirýstyń sońǵy eki simptompsyz tasymaldaýshysy ótken jumada Qashqar ShUAA okrýginiń aýrýhanasynan jazylyp shyqty.
24 qazan men 20 qarasha aralyǵynda jalpy 78 naýqas emdeldi. Olar Shyńjań aýrýhanalarynan shyǵaryldy, onyń ishinde 352 simptompsyz tasymaldaýshy meditsinalyq baqylaýdan alyndy.
Jalpy, Qytaida koronavirýs indeti bastalǵannan beri 86 myń 414 adam virýs juqtyrǵan, qazirgi ýaqytta 308 patsient emdelýde, 4634 adam qaitys boldy.
