Qytai soty buryn joǵary qyzmetterde istegen uiǵyr saiasatkeri Nýr Bekridi "jemqorlyq aiybymen" ómir boiy túrme jazasyna kesti.
2 jeltoqsanda Qytai memlekettik telearnasy Bekri sot kezinde aiybyn moiyndaǵanyn jetkizdi.
Bekri – Qytaida laýazymdy qyzmette istegen etnikalyq uiǵyrdyń biri. Biyl qyrkúiekte onyń ústinen "jemqorlyq aiybymen" tergeý bastalǵan.
Ol Qytaidyń ulttyq energetika agenttigin basqardy jáne byltyrǵa deiin Qytaidaǵy josparlaý agenttigi bastyǵynyń orynbasary bolǵan. Bekri 2008-2014 jyldary Shyńjań aimaǵynda basshylyq qyzmette istegen.
Bekri halyqaralyq qaýymdastyq Pekindi "Shyńjańdaǵy uiǵyrlar men basqa da musylmandarǵa qysym jasady" dep synap jatqan tusta sottaldy.
Pekin jemqorlyqqa qatysy kúres naýqanyn bastap, kóptegen sheneýnikti ustaǵan. Synshylar keibir ustalǵandardyń isinde saiasi astar bar dep sanaidy.
