قىتاي سوتى بۇرىن جوعارى قىزمەتتەردە ٸستەگەن ۇيعىر ساياساتكەرٸ نۋر بەكريدٸ "جەمقورلىق ايىبىمەن" ٶمٸر بويى تٷرمە جازاسىنا كەستٸ.
2 جەلتوقساندا قىتاي مەملەكەتتٸك تەلەارناسى بەكري سوت كەزٸندە ايىبىن مويىنداعانىن جەتكٸزدٸ.
بەكري – قىتايدا لاۋازىمدى قىزمەتتە ٸستەگەن ەتنيكالىق ۇيعىردىڭ بٸرٸ. بيىل قىركٷيەكتە ونىڭ ٷستٸنەن "جەمقورلىق ايىبىمەن" تەرگەۋ باستالعان.
ول قىتايدىڭ ۇلتتىق ەنەرگەتيكا اگەنتتٸگٸن باسقاردى جەنە بىلتىرعا دەيٸن قىتايداعى جوسپارلاۋ اگەنتتٸگٸ باستىعىنىڭ ورىنباسارى بولعان. بەكري 2008-2014 جىلدارى شىڭجاڭ ايماعىندا باسشىلىق قىزمەتتە ٸستەگەن.
بەكري حالىقارالىق قاۋىمداستىق پەكيندٸ "شىڭجاڭداعى ۇيعىرلار مەن باسقا دا مۇسىلماندارعا قىسىم جاسادى" دەپ سىناپ جاتقان تۇستا سوتتالدى.
پەكين جەمقورلىققا قاتىسى كٷرەس ناۋقانىن باستاپ, كٶپتەگەن شەنەۋنٸكتٸ ۇستاعان. سىنشىلار كەيبٸر ۇستالعانداردىڭ ٸسٸندە ساياسي استار بار دەپ سانايدى.
