Aldaǵy aptada Qytai Qazaqstanmen aradaǵy shekarada ornalasqan ótkizý beketterin úsh kúnge jaýyp tastaidy. Aqparatty ulttyq qaýipsizdik komiteti rastady, dep habarlaidy Sputnik Qazaqstan.
1 qazanda Qytai halyq respýblikasynyń qurylǵan kúni atalyp ótedi. Osy memlekettik meiramǵa bailanysty 1-3 qazan kúnderi Qazaqstan–Qytai memlekettik shekaradaǵy ótkizý beketteri jabyq bolady. Áýe jáne temir jol qatynasy jabylmaidy. Al 4 qazanda adamdar men júkterdi ótkizý jumysy qaita bastalady.
QHR-dyń qurylǵan kúni – osy eldiń negizgi memlekettik meiramy. Mereke jyl saiyn atalyp ótedi. 1949 jyly Beijiń qalasyndaǵy Tiananmen alańynda Qytai halyq respýblikasynyń qurylǵany týraly málimdeme jasaldy. Bas kezinde osy meiramda jyl saiyn áskeri sherýler uiymdastyryldy. Mádeni revoliýtsiianyń nátijesinde mundai sharalar toqtatylǵan bolatyn. Degenmen, 1984 jyly qaitadan qolǵa alyndy. 2009 jyly ótken sońǵy áskeri sherýde Qytai áskeri tehnikanyń sońǵy úlgilerin kórsetti.
Qytaida bul meiram kezinde bir apta boiy demalys bolady. Qala kóshelerinde gúlden san alýan kompozitsiialar jasalyp, merekelik sharalar men ot-shashý bolady.
Aita keteiik, biyl Qytai osymen ekinshi ret shekara beketterin jaýyp otyr. Sońǵy ret mundai shara 1-5 mamyr aralyǵynda bolǵan edi. Ol kezde Kóktem men Eńbek meiramy toilandy.
