الداعى اپتادا قىتاي قازاقستانمەن اراداعى شەكارادا ورنالاسقان ٶتكٸزۋ بەكەتتەرٸن ٷش كٷنگە جاۋىپ تاستايدى. اقپاراتتى ۇلتتىق قاۋٸپسٸزدٸك كوميتەتٸ راستادى, دەپ حابارلايدى Sputnik قازاقستان.
1 قازاندا قىتاي حالىق رەسپۋبليكاسىنىڭ قۇرىلعان كٷنٸ اتالىپ ٶتەدٸ. وسى مەملەكەتتٸك مەيرامعا بايلانىستى 1-3 قازان كٷندەرٸ قازاقستان–قىتاي مەملەكەتتٸك شەكاراداعى ٶتكٸزۋ بەكەتتەرٸ جابىق بولادى. ەۋە جەنە تەمٸر جول قاتىناسى جابىلمايدى. ال 4 قازاندا ادامدار مەن جٷكتەردٸ ٶتكٸزۋ جۇمىسى قايتا باستالادى.
قحر-دىڭ قۇرىلعان كٷنٸ – وسى ەلدٸڭ نەگٸزگٸ مەملەكەتتٸك مەيرامى. مەرەكە جىل سايىن اتالىپ ٶتەدٸ. 1949 جىلى بەيجٸڭ قالاسىنداعى تيانانمەن الاڭىندا قىتاي حالىق رەسپۋبليكاسىنىڭ قۇرىلعانى تۋرالى مەلٸمدەمە جاسالدى. باس كەزٸندە وسى مەيرامدا جىل سايىن ەسكەري شەرۋلەر ۇيىمداستىرىلدى. مەدەني رەۆوليۋتسييانىڭ نەتيجەسٸندە مۇنداي شارالار توقتاتىلعان بولاتىن. دەگەنمەن, 1984 جىلى قايتادان قولعا الىندى. 2009 جىلى ٶتكەن سوڭعى ەسكەري شەرۋدە قىتاي ەسكەري تەحنيكانىڭ سوڭعى ٷلگٸلەرٸن كٶرسەتتٸ.
قىتايدا بۇل مەيرام كەزٸندە بٸر اپتا بويى دەمالىس بولادى. قالا كٶشەلەرٸندە گٷلدەن سان الۋان كومپوزيتسييالار جاسالىپ, مەرەكەلٸك شارالار مەن وت-شاشۋ بولادى.
ايتا كەتەيٸك, بيىل قىتاي وسىمەن ەكٸنشٸ رەت شەكارا بەكەتتەرٸن جاۋىپ وتىر. سوڭعى رەت مۇنداي شارا 1-5 مامىر ارالىعىندا بولعان ەدٸ. ول كەزدە كٶكتەم مەن ەڭبەك مەيرامى تويلاندى.
