Qytaidyń eksport-importtyq banki Qazaqstanǵa tas jol qurylysyn júrgizýge 730 mln dollar kóleminde nesie berýdi josparlap otyr, dep habarlaidy qazaqtimes.com.
Qazaqstan Respýblikasy Úkimetiniń qaýlysyna sáikes, Qarjy ministrligine «Astana-Qaraǵandy-Balqash-Kúrti-Qapshaǵai-Almaty», «Qaraǵandy-Burylbaital», «Qaraǵandy-Balqash» tas jolynyń «Ortalyq-Ońtústik» dálizin qaita salý» jobasy boiynsha Qytaidyń eksport-importtyq bankine «QazAvtoJol» Ulttyq kompaniiasy» aktsionerlik qoǵamynyń 727 mln. 212 myń dollar kólemindegi zaemyna memlekettik kepildik qujattaryn daiyndap, usyný tapsyrylǵan.
Jalpy, Qazaqstannyń syrtqy qaryzy 2016 jyldyń jeltoqsan aiyndaǵy kórestkish boiynsha 163 758 milliard dollardy quraǵan. Onyń ishinde Niderlandyǵa 47,3 milliard dollar, Ulybritaniiaǵa 24, 6 milliard dollar, AQSh-qa 12,9 milliard dollar, Qytaiǵa 12,6 milliard dollar, Frantsiiaǵa 11,7 milliard dollar qaryz.
Biraq dál osy memleketterdiń birqatary Qazaqstanǵa qaryz. Atap aitqanda AQSh 54,9 milliard dollar, Niderlandy 20,5 milliard dollar, Ulybritaniia 16 milliard dollar, Resei 7,5 milliard dollar, Germaniia 4,4 milliard dollar bizdiń elimizge qaryz. Jalpy, 2016 jyldyń qorytyndysy boiynsha, ózge elderdiń Qazaqstan aldyndaǵy bereshegi 169, 4 milliard dollar bolǵan.
